కొత్త ట్రెండ్: పోటీ సినిమాకి ప్రచారం

ఒకే రోజు రెండు సినిమాలు రిలీజ్.. రెండూ స్టార్ హీరోలవే.. రెండూ పీరియాడికల్ మూవీసే. కాన్సెప్ట్ వేరైనా ఒకే రోజున రిలీజ్ అయ్యే సినిమాలంటే ఆ పోటీ మహా రసవత్తరంగా ఉంటుంది. ఆగస్ట్ 12న రిలీజ్ కానున్న రెండు బాలీవుడ్ సినిమాలపై ఇప్పటివరకూ ఇదే ట్రెండ్. కానీ ఒకే ఒక్క ట్వీట్ తో కొత్త ట్రెండ్ కి నాంది పలికాడు హృతిక్ రోషన్.

ఆగస్ట్ 12 హృతిక్ నటించిన మొహెంజొదారోతో పాటు.. అక్షయ్ కుమార్ మూవీ రుస్తొం కూడా విడుదల కానుంది. రెండు చిత్రాలపైనా అంచనాలు భారీగా ఉన్నాయి. బాక్సాఫీస్ దగ్గర యుద్ధం తప్పదని అనుకుంటున్న టైమ్ లో.. 'మొహెంజొదారో రిలీజ్ కి ఇంకా 4 రోజులే టైమ్ ఉంది. అక్షయ్ కుమార్ రుస్తొంకి కూడా అంతే. స్నేహితుడి కదా నిలబెట్టుకోవాలి మరి' అంటూ ట్వీట్ చేశాడు హృతిక్ రోషన్. ఇది కచ్చితంగా రుస్తొంని ప్రమోట్ చేసే ట్వీటే.

అక్షయ్ కూడా ఏం కాంప్రమైజ్ కాలేదు. 'ఇక చెప్పింది చాల్లే.. ఏంటీ ఇప్పుడు ఏడిపిస్తావా.. ఎంటర్టెయిన్మెంట్ వీకెండ్ వచ్చేస్తోంది. పాప్ కార్న్ రెడీ చేసుకోండి గైస్' అంటూ రిప్లై ఇచ్చాడు. వీళ్లిద్దరూ ఫ్రెండ్స్ అని అందరికీ తెలుసు కానీ.. మరీ పోటీని స్నేహంగా మార్చేసుకుని.. తోటి స్టార్ సినిమాకి ప్రచారం చేసే ట్రెండ్ మాత్రం హృతిక్ దే.