రైవల్, మాజీ వైఫ్ తో స్టార్ హీరో వెకేషన్

బాలీవుడ్ లో ఆన్ స్క్రీన్ ఫైటింగ్స్ చాలానే ఉంటాయ్. స్టార్ హీరోలు ఆన్ స్క్రీన్ పై పోటా పోటీగా సినిమాలు చేస్తుంటారు. కానీ ఆఫ్ స్క్రీన్ లో మాత్రం వీరు మాంచి ఫ్రెండ్స్ అనే విషయం చాలా తక్కువ మందికే తెలుసు. గతేడాది రుస్తోం.. మొహెంజొదారో చిత్రాలను పోటా పోటీగా విడుదల చేసిన స్టార్ హీరోలు అక్షయ్ కుమార్.. హృతిక్ రోషన్ లు.

ఇప్పుడు వీరిద్దరూ తమ కుటుంబాలతో హాలిడే టూర్ ఎంజాయ్ చేస్తున్నారు. అక్షయ్ కుమార్.. అతని భార్య మాజీ హీరోయిన్ ట్వింకిల్ ఖన్నాలతో పాటు హృతిక్ రోషన్.. అతని మాజీ భార్య సుసానే ఖాన్ లు తమ స్నేహితులతో వెకేషన్ ఎంజాయ్ చేస్తున్న ఫోటో ఒకటి ఆన్ లైన్ లో హల్ చల్ చేస్తోంది. మరో జంటతో కలిసి మొత్తం మూడు జంటలు దిగిన ఫోటో భలే క్యూట్ గా ఉంది. ఆరుగురు కలిసి ఒకే కొబ్బరి చెట్టుకు వేళ్లాడుతూ ఇచ్చిన పోజ్ ను అదరహో అనాల్సిందే.

అక్షయ్-హృతిక్ లు ఆన్ స్క్రీన్ పై పోటీ పడతారు కానీ.. రియల్ లైఫ్ లో మాత్రం ఫ్రెండ్స్. మరోవైపు.. సుసానే ఖాన్ కు విడాకులు ఇచ్చినా సరే.. పిల్లల విషయంలో మాత్రం ఎలాంటి డిఫరెన్స్ లు రాకుండా ఉండేందుకు హాలిడే టూర్స్ వెళుతూ ఉంటారు. ఈ స్మాల్ వెకేషన్ కూడా అలాంటిదే. సెలబ్రిటీ వెకేషన్స్.. ఎంజాయ్మెంట్స్ లో బోలెడన్ని ఇలాంటి విచిత్రాలు చోటు చేసుకుంటాయి.

Like Us on Facebook : https://www.facebook.com/Tupakidotcom/