పైలెట్ అవతారం ఎత్తుతున్న క్రిష్

బాలీవుడ్ సూపర్ స్టార్ హృతిక్ రోషన్ రీసెంట్ మూవీ మొహెంజొదారో నిరుత్సాహపరిచింది. ప్రాచీన కాలంలో అప్పటికి ఆధునిక నాగరికతను సంతరించుకున్న ఆ కాలాన్ని కళ్లకు కట్టేట్టుగా చూపిద్దామని చేసిన ప్రయత్నాన్ని.. ప్రేక్షకులు తిప్పికొట్టారు. అయితే.. ఈ ప్రభావం హృతిక్ నెక్ట్స్ మూవీ ఉంటుందని అనుకుంటున్నారు.

ప్రస్తుతం సంజయ్ గుప్తా నిర్మిస్తున్న కాబిల్ షూటింగ్ లో ఉన్న హృతిక్.. ఇది పూర్తి కాగానే సిద్ధార్ధ ఆనంద్ డైరెక్షన్ లో ఫైటర్ అనే మూవీలో నటించేందుకు సైన్ చేశాడు. ఇందులో ఈ హీరో పాత్ర పైలెట్ అని తెలుస్తోంది. ఇప్పటికే ఇండియన్ సూపర్ మ్యాన్ గా పలు సినిమాల్లో నటించిన హృతిక్ కి.. పైలెట్ పాత్ర పెద్దగా పరీక్ష పెట్టేదేమీ కాదు. అయితే.. బాగా రిస్కీ సన్నివేశాలు చేయాల్సి ఉంటుందని మాత్రం తెలుస్తోంది. హాలీవుడ్ మూవీ టాప్‌ గన్ లో.. టామ్ క్రూజ్ చేసిన రోల్ మాదిరిగా.. ఫైటర్ లో హృతిక్ రోషన్ పాత్ర ఉంటుందట.

దీనికి మొదట భారీ బడ్జెట్ ను కేటాయించగా.. రీసెంట్ గా మొహెంజొదారో ఇచ్చిన షాక్ తో బడ్జెట్ లో కోతలు పెట్టనున్నారని టాక్ వినిపిస్తోంది. ఇలా తగ్గించకుండా ఉండేందుకు గాను.. హృతిక్ తండ్రి రాకేష్ రోషన్ ని సంప్రదిస్తున్నారని తెలుస్తోంది. ఫైటర్ ప్రాజెక్టు ఆగకపోయినా.. ప్రొడక్షన్ టీమ్ లో మాత్రం మార్పులు తప్పవని అంటున్నారు.