లాభాల్లో స‌గం నీకే అంటూ వ‌లేశారు!

`అర్జున్ రెడ్డి` సినిమాతో టాలీవుడ్ లో.. `క‌బీర్ సింగ్` సినిమాతో బాలీవుడ్ లో అదిరిపోయే ఎంట్రీ ఇచ్చాడు సందీప్ రెడ్డి వంగా. అర్జున్ రెడ్డి రీమేక్ గా తెర‌కెక్కిన `క‌బీర్ సింగ్` హిందీ బాక్సాఫీస్ వ‌ద్ద‌ 2019 టాప్ వ‌న్ మూవీ గా రికార్డుల‌కెక్కింది. షాహిద్ క‌పూర్ కెరీర్ బెస్ట్ హిట్ ని అందించిన ద‌ర్శ‌కుడిగా అత‌డి గౌర‌వం ప‌దింత‌లైంది. ఈ చిత్రాన్ని మూరత్ ఖేతని- అశ్విన్ వార్థేలతో కలిసి టీసిరీస్ భూష‌ణ్ కుమార్ నిర్మించారు.

ప్ర‌స్తుతం ఈ కాంబినేష‌న్ మ‌రో సినిమా చేసేందుకు రెడీ అవుతున్నారు. త‌దుప‌రి చిత్రానికి కూడా క‌బీర్ సింగ్ ఫేం సందీప్ రెడ్డి వంగా ద‌ర్శ‌క‌త్వం వ‌హిస్తే బావుంటుంద‌ని భావిస్తున్నారు. అంతేకాదు లాభాల్లో యాభై శాతం షేర్ ఇచ్చేందుకు అత‌డికి ఆఫ‌ర్ చేశార‌ని తెలుస్తోంది. అయితే సందీప్ రెడ్డి వంగా ఈ ఆఫ‌ర్ కి ఓకే చెబుతాడా లేదా? అన్న‌ది ఇప్ప‌టికైతే స‌స్పెన్స్.

ఒక‌వేళ అత‌డు ఓకే చెబితే టీసిరీస్ కి ఇప్ప‌టికే హృతిక్ రోష‌న్- షాహిద్ స‌హా ప‌లువురు హీరోలు ట‌చ్ లో ఉన్నారు. వీళ్ల‌లో ఎవ‌రో ఒక‌రిని సెట్ చేసేందుకు రెడీ అవుతార‌ట‌. అయితే సందీప్ వైపు నుంచే క్లారిటీ రావాల్సి ఉందింకా. సందీప్ సీనేంటి అని చూస్తే అత‌డు ఇంకా క‌న్ఫ్యూజ‌న్ లోనే ఉన్న‌ట్టుగా అర్థ‌మ‌వుతోంది. అత‌డు ఇప్ప‌టికే టాలీవుడ్ సూప‌ర్ స్టార్ మ‌హేష్ కోసం క‌థ రెడీ చేస్తున్నాడ‌ని ఇంకా ఫైనలైజ్ కాలేదని తెలుస్తోంది. `స‌రిలేరు నీకెవ్వ‌రు` త‌ర్వాత మ‌హేష్ ఎవ‌రికి గ్రీన్ సిగ్న‌ల్ ఇస్తారు? అన్నదానిపైనా స‌రైన‌ క్లారిటీ ఇంకా రాలేదు. గీత గోవిందం ద‌ర్శ‌కుడు ప‌ర‌శురామ్ వినిపించిన స్క్రిప్టును అత‌డు ఓకే చేసే వీలుంద‌ని ప్ర‌చార‌మైంది. ఈ నేప‌థ్యంలో హిందీ సినిమాకే సందీప్ రెడ్డి వంగా ఓకే చెప్పే ఛాన్సుంద‌ని భావిస్తున్నారు. అలా చేయ‌డ‌మే క‌రెక్ట్ అని అభిమానుల్లోనూ చ‌ర్చ సాగుతోంది.