ప్రీరిలీజ్ ముందే 'పుష్ప' నైజాం హక్కులకు భారీ ధర..!!

స్టైలిష్ చిత్రాల డైరెక్టర్ సుకుమార్ దర్శకత్వంలో స్టైలిష్ స్టార్ అల్లు అర్జున్ చేస్తున్న సినిమా పుష్ప. సుకుమార్ - అల్లు అర్జున్ కాంబినేషన్ లో వస్తున్న మూడో సినిమా కాబట్టి పుష్పతో హ్యాట్రిక్ కొడతారని అభిమానులలో అంచనాలు పెరిగిపోతున్నాయి. ఈ సినిమాలో అల్లు అర్జున్ చిత్తూరు యాసను మాట్లాడుతూ నెరిసిన గడ్డంతో లారీ డ్రైవర్ గా కనిపించనున్నాడు. ఇదిలా ఉండగా మైత్రి మూవీ మేకర్స్ వారు ఈ సినిమాను నిర్మిస్తున్నారు.

యంగ్ సెన్సేషన్ రష్మిక మందన హీరోయిన్ గా నటిస్తోంది. ఈ నేపథ్యంలో బన్నీ, సుక్కుల అభిమానులకు ఊరటనిచ్చేందుకు మొన్నటి వరకు విడుదల తేదీ ఎప్పుడెప్పుడు వస్తుందా అని వెయిట్ చేశారు. ఆ వెయిటింగ్ కి సమాధానం ఇచ్చేసారు మేకర్స్. గతేడాది ఏప్రిల్ 8న బన్నీ పుట్టినరోజు సందర్భంగా పుష్ప టైటిల్ పోస్టర్ రిలీజ్ చేసి ట్రీట్ ఇచ్చాడు బన్నీ.

తాజాగా పుష్ప మూవీ రిలీజ్ డేట్ పోస్టర్ విడుదల చేసి మరో సర్ప్రైజ్ ఇచ్చాడు. ఈ ఏడాది ఆగష్టు 13న పుష్ప మూవీ విడుదల చేస్తున్నట్లు అధికారికంగా ప్రకటించేసారు. ప్రస్తుతం సోషల్ మీడియాలో ట్రెండ్ సృష్టిస్తోంది పుష్ప పోస్టర్. ఇక ఈ యాక్షన్ థ్రిల్లర్ మూవీ విడుదలకు చాలా సమయం ఉండగానే థియేట్రికల్ విడుదల హక్కులను భారీ ధరలకు బిజినెస్ చేస్తోంది. ప్రీరిలీజ్ ముందే పుష్ప నైజాం హక్కులు భారీ ధరకు అమ్ముడయినట్లు వార్తలు వినిపిస్తున్నాయి.

అల్లు అర్జున్ గతేడాది సంక్రాంతికి విడుదల చేసిన 'అల వైకుంఠపురంలో' మూవీ నైజాం హక్కులు 42కోట్లకు అమ్ముడయ్యాయట. ఆ సినిమా ఎలాంటి కలెక్షన్స్ రాబట్టిందో తెలిసిందే. అయితే తాజాగా పుష్ప నైజాం హక్కులు 40కోట్లకు అమ్ముడయినట్లు ఇండస్ట్రీలో టాక్ నడుస్తుంది. మరి దీనిపై పుష్ప టీమ్ ఎలా స్పందిస్తుందో చూడాలి.