Begin typing your search above and press return to search.
‘మా’ ఎన్నికలకు భారీ బందోబస్తు
By: Tupaki Desk | 9 Oct 2021 7:32 AM GMT
ఈనెల 10న జరుగనున్న మూవీ ఆర్టిస్ట్ అసోసియేషన్ (మా) ఎన్నికలకు ఏర్పాట్లు పూర్తయ్యాయి. జూబ్లీహిల్స్ రోడ్ నంబర్ 71లోని జూబ్లీ హిల్స్ పబ్లిక్ స్కూల్ లో ఆదివారం ఈ ఎన్నికలు ఉదయం 8 నుంచి మధ్యాహ్నం 2 గంటల వరకు జరుగుతున్నాయి. ఇందుకోసం జూబ్లీ హిల్స్ పోలీసులు భారీ బందోబస్తు ఏర్పాట్లు చేస్తున్నారు.
‘మా’ ఎన్నికలకు మొత్తం మూడు గదుల్లో 12 పోలింగ్ స్టేషన్లు ఉంటాయి. ఒకేసారి ఒక గదిలో నలుగురు ఓటర్లు ఓటుహక్కును వినియోగించుకునే అవకాశం ఉంది. ఈ క్రమంలోనే పాఠశాలలో పకడ్బందీగా ఏర్పాట్లు చేస్తున్నారు.
పోలీస్ బందోబస్తు కోసం మూడు ప్లటూన్ల బలగాలను వినియోగిస్తున్నారు. ఇందులో ఒక ఉమెన్ ప్లటూన్ కూడా ఉంది. ‘మా’ ఎన్నికల్లో విమర్శలు ప్రతి విమర్శలు చెలరేగిన వేళ పోలింగ్ సమయంలో అవాంఛనీయ సంఘటనలు చోటుచేసుకునే అవకాశం ఉండడంతో ఈ ఏర్పాట్లు చేసినట్లు పోలీసులు తెలిపారు.
‘మా’ ఎన్నికల్లో మొత్తం 883 మంది ఓటర్లు ఓటు హక్కు వినియోగించుకోనున్నారు. కాగా ‘మా’ ఎన్నికలకు సంబంధించి ప్రకాష్ రాజ్ ప్యానెల్, మంచు విష్ణు ప్యానెల్ ప్రతినిధులు శుక్రవారం జూబ్లీ హిల్స్ పోలీసులతో ఓటింగ్ జరుగనున్న ప్రాంతంలో సమావేశమయ్యారు. వీరిలోపాటు నటుడు మురళీ మోహన్ , శ్రీకాంత్, నరేశ్, జీవితా రాజశేఖర్ తదితరులు కూడా ఉన్నారు.
‘మా’ ఎన్నికలకు మొత్తం మూడు గదుల్లో 12 పోలింగ్ స్టేషన్లు ఉంటాయి. ఒకేసారి ఒక గదిలో నలుగురు ఓటర్లు ఓటుహక్కును వినియోగించుకునే అవకాశం ఉంది. ఈ క్రమంలోనే పాఠశాలలో పకడ్బందీగా ఏర్పాట్లు చేస్తున్నారు.
పోలీస్ బందోబస్తు కోసం మూడు ప్లటూన్ల బలగాలను వినియోగిస్తున్నారు. ఇందులో ఒక ఉమెన్ ప్లటూన్ కూడా ఉంది. ‘మా’ ఎన్నికల్లో విమర్శలు ప్రతి విమర్శలు చెలరేగిన వేళ పోలింగ్ సమయంలో అవాంఛనీయ సంఘటనలు చోటుచేసుకునే అవకాశం ఉండడంతో ఈ ఏర్పాట్లు చేసినట్లు పోలీసులు తెలిపారు.
‘మా’ ఎన్నికల్లో మొత్తం 883 మంది ఓటర్లు ఓటు హక్కు వినియోగించుకోనున్నారు. కాగా ‘మా’ ఎన్నికలకు సంబంధించి ప్రకాష్ రాజ్ ప్యానెల్, మంచు విష్ణు ప్యానెల్ ప్రతినిధులు శుక్రవారం జూబ్లీ హిల్స్ పోలీసులతో ఓటింగ్ జరుగనున్న ప్రాంతంలో సమావేశమయ్యారు. వీరిలోపాటు నటుడు మురళీ మోహన్ , శ్రీకాంత్, నరేశ్, జీవితా రాజశేఖర్ తదితరులు కూడా ఉన్నారు.
