శ‌ర్వా- సుధీర్‌ వ‌ర్మ శాటిలైట్ స్పీడ్‌

వెర్స‌టైల్ హీరో శ‌ర్వానంద్ ఒక్కో అడుగు వేస్తూ అప్పుడే పాతిక సినిమాల్లో న‌టించేశాడు. డీసెంట్ హీరోగా .. ఫ్యామిలీ ఆడియెన్ ని థియేట‌ర్ల‌కు ర‌ప్పించే ప్ర‌తిభావంతుడిగా పాపుల‌ర‌య్యాడు. ఇటీవ‌ల ప‌రిణతి ఉన్న క‌థల్ని ఎంచుకుంటూ ఒక్కో విజ‌యాన్ని ఖాతాలో వేసుకుంటున్నాడు. ర‌న్ రాజా ర‌న్, శ‌త‌మానం భ‌వ‌తి చిత్రాల‌తో అత‌డి కెరీర్ కీల‌క మ‌లుపు తిరిగింది. అయితే ఇటీవ‌లే `ప‌డి ప‌డి లేచే మ‌న‌సు` ఆశించినది ఒక‌టి అయితే అయిన‌ది ఒక‌టి అన్న చందంగా బాక్సాఫీస్ వ‌ద్ద ఫెయిలైంది. ఆ ఓట‌మి నుంచి త‌న‌ని తాను తిరిగి బ‌య‌ట‌ప‌డేందుకు కొత్త‌గా దూసుకొస్తున్నాడు.

శ‌ర్వానంద్ ప్ర‌స్తుతం `స్వామిరారా`, `దోచెయ్` చిత్రాల ద‌ర్శ‌కుడు సుధీర్ వ‌ర్మ ద‌ర్శ‌క‌త్వంలో న‌టిస్తున్నాడు. ఈ సినిమా చిత్రీక‌ర‌ణ వేగంగానే పూర్త‌వుతోంది. ఈ వేస‌విలో సినిమాని రిలీజ్ చేయాల‌న్న‌ది ప్లాన్. తాజా స‌మాచారం ప్ర‌కారం.. ఈ మూవీ శాటిలైట్ - డిజిట‌ల్ హ‌క్కుల్ని రూ.8కోట్ల‌కు ప్ర‌ముఖ ఎంట‌ర్ టైన్ మెంట్ చానెల్‌ జెమిని ద‌క్కించుకుంద‌ని తెలుస్తోంది. శ‌ర్వానంద్ తొలి సారి ఈ చిత్రంలో మాఫియా డాన్ పాత్ర‌లో ఏజ్డ్ ప‌ర్స‌న్ గా క‌నిపించ‌నున్నాడు. ఇందులో ర‌క‌ర‌కాల షేడ్స్ ఉన్న పాత్ర‌ల్లో న‌టిస్తున్నాడు. అతడి స‌ర‌స‌న హ‌లో బ్యూటీ క‌ళ్యాణి ప్రియ‌ద‌ర్శ‌న్ న‌టిస్తోంది. ప్ర‌శాంత్ పిళ్లై సంగీతం, దివాక‌ర్ మ‌ణి కెమెరా ప‌నిత‌నం అస్సెట్ కానున్నాయ‌ని తెలుస్తోంది.

ఈ వేస‌విలో ప‌లు క్రేజీ చిత్రాలు రిలీజ్ ల‌కు రెడీ అవుతున్నాయి. వాటి నడుమ శ‌ర్వా నంద్ న‌టిస్తున్న‌ తాజా సినిమా కూడా రిలీజవుతుంది. ఇంకా ఈ చిత్రానికి టైటిల్ నిర్ణ‌యించాల్సి ఉంది. ఈ మూవీ ఇటు శ‌ర్వాకి, అటు ద‌ర్శ‌కుడు సుధీర్ వ‌ర్మ‌కు ఎంతో ఇంపార్టెంట్. ఇద్ద‌రికీ ష్యూర్ షాట్ గా హిట్ కొట్టి తీరాల్సిన స‌న్నివేశం ఉంది. క‌థ న‌చ్చితే వెంట‌నే ఓకే చెప్పేస్తాన‌ని చెప్పే శ‌ర్వానంద్ ఫ్లాపు తీసిన సుధీర్ వ‌ర్మ చెప్పిన క‌థ‌కు ప‌డిపోయాడ‌ట‌. అత‌డిని న‌మ్మి అవ‌కాశం ఇచ్చాడు. మ‌రి త‌న ఆశ‌ల్ని ద‌ర్శ‌కుడు వ‌మ్ము చేయకుండా నిల‌బెడ‌తాడా.. లేదా? అన్న‌ది చూడాలి.