ప‌వ‌న్ సినిమా కోసం అక్క‌డ భారీ సెట్స్‌

ప‌వ‌ర్ స్టార్ ప‌వ‌న్ కల్యాణ్ న‌టించిన `భీమ్లా నాయ‌క్‌` చిత్రీక‌ర‌ణ పూర్త‌యి రిలీజ్ కి రెడీగా వుంది. ఈ నెల మూడ‌వ వారంలో అంటే ఈ నెల 25న రిలీజ్ చేయాల‌ని మేక‌ర్స్ ఇప్ప‌టికే రిలీజ్ డేట్ ని కూడా ప్ర‌క‌టించేశారు. ఈ డేట్ మారుతుంద‌ని ప్ర‌చారం జ‌రిగినా .. దీనిపై మేక‌ర్స్ ఇప్ప‌టి వ‌ర‌కు ఎలాంటి ప్ర‌క‌ట‌న చేయ‌లేదు. 25నే వ‌స్తుంద‌ని ఇండైరెక్ట్ గా క్లారిటీ ఇచ్చేశారు. దీంతో ఈ మూవీ త‌రువాత త‌ను చేస్తున్న `హ‌రి హ‌ర వీర‌మ‌ల్లు`పై దృష్టిపెట్టారు ప‌వ‌న్ క‌ల్యాణ్‌.

క్రిష్ డైరెక్ట్ చేస్తున్న ఈ మూవీ షూటింగ్ ఇప్ప‌టికే కొంత భాగం పూర్త‌యింది. థ‌ర్డ్ వేవ్ కార‌ణంగా కొన్ని రోజులు..`భీమ్లా నాయ‌క్` కార‌ణంగా మ‌రి కొన్ని రోజులు వాయిదా ప‌డుతూ వ‌స్తోంది. ఇంత వ‌ర‌కు జ‌రిగిన షూటింగ్ తో సినిమా 50 శాతానికి మించి చిత్రీక‌ర‌ణ పూర్త‌యింద‌ని ప‌లు మీడియా సంస్థ‌ల‌కు ఇచ్చిన ఇంట‌ర్వ్యూల్లో ద‌ర్శ‌కుడు క్రిష్ స్ప‌ష్టం చేశారు కూడా. ప‌వ‌న్ డేట్స్ ఇస్తే మిగ‌తా షూటింగ్ ని పూర్తి చేస్తానంటూ క్రిష్ చెబుతూ వ‌స్తున్నారు.

ఆయ‌న అన్న‌ట్టుగానే ప‌వ‌న్ ఫైన‌ల్ గా `హ‌రి హ‌ర వీర‌మ‌ల్లు` షూటింగ్ కోసం డేట్స్ ఇచ్చేశారు. ఇటీవ‌ల త‌దుప‌రి షెడ్యూల్ కి సంబంధించిన స్క్రిప్ట్ రీడింగ్ సెష‌న్ ని పూర్తి చేశారు. ప్ర‌త్యేకంగా ప‌వ‌న్ ని క‌లిసి చేయ‌బోయే షెడ్యూల్ గురించి ద‌ర్శ‌కుడు క్రిష్ వివ‌రించారు. ఇందుకు సంబంధించిన ఫొటోల‌ని కూడా మేక‌ర్స్ మీడియాకు విడుద‌ల చేసిన విష‌యం తెలిసిందే.

ఈ చిత్రానికి సంబంధించిన తాజా షెడ్యూల్ మార్చి ఫ‌స్ట్ వీక్ లో ప్రారంభం కాబోతోంది. ఇందుకు సంబంధించిన ఏర్పాట్లు కూడా చురుగ్గా జ‌రుగుతున్నాయి. కోవిడ్ కి ముందు హైద‌రాబాద్‌ అల్యూమినియం ఫ్యాక్ట‌రీలో ప్ర‌త్యేకంగా సెట్ లు వేసి కీల‌క ఘ‌ట్టాల‌ని చిత్రీక‌రించిన క్రిష్ తాజా షెడ్యూల్ కోసం కూడా అక్క‌డే మ‌ళ్లీ భారీ సెట్ ల‌ని నిర్మిస్తున్నారు. ఈ షెడ్యూల్ లో కీల‌క ఘ‌ట్టాల‌ని షూట్ చేసి చిత్రీక‌ర‌ణ మొత్తం పూర్తి చేయాల‌ని ద‌ర్శ‌కుడు ప్లాన్ చేస్తున్నార‌ట‌.

17వ శ‌తాబ్దంలోని మొఘ‌ల్ సామ్రాజ్య కాలం నేప‌థ్యంలో సాగే ఈ చిత్ర క‌థ మొత్తం కోహినూర్ వ‌జ్రం చుట్టూ సాగుతుంద‌ని, ఇందులో ప‌వ‌న్ రాబిన్ హుడ్ త‌ర‌హాలో క‌నిపించే బందిపోటు దొంగ‌గా క‌నిపించ‌బోతున్నార‌ని ఇప్ప‌టికే వార్త‌లు వినిపిస్తున్నాయి. నిధి అగ‌ర్వాల్ హీరోయిన్ గా న‌టిస్తున్న ఈ చిత్రంలో బాలీవుడ్ హాట్ బ్యూటీ న‌ర్గీస్ ఫ‌క్రీ రోష‌నార‌గా.. న‌టిస్తుండ‌గా, అర్జున్ రాంప‌ల్‌, ఆదిత్య‌మీన‌న్‌, శుభ‌లేఖ సుధాక‌ర్ కీల‌క పాత్ర‌ల్ని పోషిస్తున్నారు. పూజిత పొన్నాడ ఓ ప్ర‌త్యేక గీతంలో క‌నిపించ‌బోతోంది. ఏ.ఎం. ర‌త్నం - ఏ. దాయాక‌ర్ రావు సంయుక్తంగా నిర్మిస్తున్న ఈ చిత్రానికి ఎం.ఎం. కీర‌వాణి సంగీతం అందిస్తున్నారు.