మెగాస్టార్ ఛ‌రీష్మానే వేరబ్బా..!

తెలుగు చిత్ర పరిశ్రమలో తన సినిమాలతో ఎన్నో రికార్డులను తిరగరాసి మెగాస్టార్ అనిపించుకునే స్థాయికి ఎదిగారు చిరంజీవి. యాక్టింగ్ లోనే కాకుండా డ్యాన్సులు - ఫైట్స్ చేయడంలో తనకి సాటిలేరని నిరూపించుకున్నారు. అందుకే తొమ్మిదేళ్ల లాంగ్ గ్యాప్ తర్వాత హీరోగా రీ ఎంట్రీ ఇచ్చి తన ఛ‌రీష్మా ఏమాత్రం తగ్గలేదని ప్రూవ్ చేశాడు. ఈ విష‌యాన్ని చిరు మ‌ళ్లీ మ‌ళ్లీ ప్రూవ్ చేస్తూనే ఉన్నారు. ఎవ‌రైనా చిరు త‌రువాతే అనే కామెంట్స్ ని అంతా ఈజీగా కొట్టిపారేయ‌లేము. దీనికి ఎన్నో ఉదాహరణలుగా చెప్పుకోవచ్చు.

ప్రస్తుతం మెగాస్టార్ చిరంజీవి నటిస్తున్న 'ఆచార్య' సినిమా చిత్రీకరణ దశలో ఉంది. కొరటాల శివ దర్శకత్వంలో తెరకెక్కుతున్న ఈ చిత్రంలో చిరు తనయుడు రామ్ చరణ్ కూడా కీలక పాత్ర పోషిస్తున్నాడు. ఈ చిత్రం కోసం మణిశర్మ స్వరపరిచిన 'లాహే లాహే' అనే గీతాన్ని ఇటీవలే విడుదల చేశారు. ప్రస్తుతం ఈ పాట మ్యూజిక్ వీడియోస్ పరంగా యూట్యూబ్ లో ట్రెండింగ్ లో ఉంది. ఈ పాట బాగుండటంతో పాటు ఇందులో చిరు మునుపటి గ్రేస్ తో వేసిన స్టెప్పులు ఫ్యాన్స్ ని మెస్మ‌రైజ్ చేస్తున్నాయి. ఈ నేపథ్యంలో 'లాహే లాహే' లిరికల్ వీడియో 12 మిలియన్లకు పైగా వ్యూస్ తో ట్రెండింగ్ లో కొనసాగుతోంది. దీంతో చిరు మరోసారి తన చరిష్మా తగ్గలేదని నిరూపించాడు.

కాగా, చిరంజీవి కెరీర్ లో 152వ సినిమాగా వస్తున్న 'ఆచార్య'ను మే 13న వరల్డ్ వైడ్ గా రిలీజ్ చేయడానికి సన్నాహాలు చేస్తున్నారు. ప్రస్తుత పరిస్థితుల్లో ఈ మూవీ అనుకున్న సమయానికి వస్తుందో లేదో అనేది పక్కన పెడితే.. 'ఆచార్య' కోసం మెగా అభిమానులు ఆతృతగా ఎదురుచూస్తున్నారు. తండ్రీకొడుకులు చిరు - చరణ్ కలిసి నటిస్తున్న సినిమా కావడంతో దీనిపై పై భారీ అంచనాలు నెలకొన్నాయి. ఈ చిత్రాన్ని కొణిదెల ప్రొడక్షన్స్ సమర్పణలో మాట్నీ ఎంటర్‌టైన్మెంట్స్ బ్యానర్ పై నిరంజన్ రెడ్డి నిర్మిస్తున్నారు.