రజినీ హీరోయిన్ ని మార్చుకోమన్నారట

హ్యూమా ఖురేషీ.. ఈ జనరేషన్ బాలీవుడ్ ట్యాలెంటెడ్ హీరోయిన్స్ లో ఈమె పేరు కచ్చితంగా వినిపిస్తుంది. గ్యాంగ్స్ ఆఫ్ వసేపుర్.. బద్లాపూర్.. డి డే.. జాలీ ఎల్ ఎల్బీ2 వంటి మూవీస్ లో తన సత్తా చాటింది. ఈ సినిమాలు ఆమెకు మంచి పేరు తెచ్చిపెట్టినా.. కమర్షియల్ హీరోయిన్ అనే స్టాంప్ మాత్రం వేయించుకోలేకపోయింది.

ప్రస్తుతం రజినీకాంత్ మూవీ కాలా కరికులన్ లో నటిస్తున్న హ్యూమా ఖురేషీ.. కెరీర్ ప్రారంభంలో చాలానే కష్టాలు పడ్డానని చెబుతోంది. మోడల్ గా జర్నీ ప్రారంభించిన ఈమె.. ఉదయాన్నే లంచ్ బాక్స్ పట్టుకుని.. ఆ రోజు తన గెటప్ కి తగినట్లుగా మేకప్ సామాగ్రి మోసుకుని.. ఎన్నడూ పేరు కూడా వినని ప్రాంతాలకు వెళ్లేదట. అప్పుడు పడ్డ కష్టమే ఇప్పుడు తనకు ఎంతో ఉపయోగపడతోందని ఈ హీరోయిన్ చెబుతోంది. అయితే.. అప్పట్లో ఈమెకు చాలామంది ఒకే సలహా ఇచ్చేవారట. తన పేరు మార్చుకోమని సూచించేవారట. హ్యూమా ఖురేషీ అనే పేరుతో పాకిస్తాన్ లో ఒక నటి ఉండడంతో.. అవకాశాలు అందడానికి ఆ పేరు అడ్డంకి అవుతుందని చెప్పేవారట.

కానీ ఇలాంటి వాటిని తాను ఖాతరు చేయలేదని అంటుంది హ్యూమా ఖురేషి. ఎవరెన్ని చెప్పినా తన పేరు మార్చుకోవడానికి ఇష్టపడలేదని.. ఇప్పుడు హ్యూమా ఖురేషి అన్న పేరు రజినీకాంత్ సినిమాలో నేమ్ కార్డ్ పడడాన్ని ఎంజాయ్ చేయబోతున్నానని చెబుతోంది హ్యూమా ఖురేషీ. తన సొంత పేరుతోనే గుర్తింపు సంపాదించుకోవడం ఎంతో ఆనందంగా ఉందని అంటోందీ భామ.

Like Us on Facebook : https://www.facebook.com/Tupakidotcom/