సోనూసూద్‌ పీఎం కావాలి.. హాట్ హీరోయిన్ కోరిక

గత ఏడాది నుండి సోనూ సూద్ చేస్తున్న సేవా కార్యక్రమాలు అన్నీ ఇన్నీ కావు. గత ఏడాది లాక్ డౌన్ సమయంలో వలస కార్మికులకు సాయం అందించడం మొదలుకుని ఇటీవల ఆక్సీజన్‌ సిలిండర్ల పంపిణీ.. డెడ్‌ బాడీస్ కోసం కూల్‌ కంటైనర్‌ అందజేయడం వరకు వందల కోట్లు ఖర్చు చేసి సేవా కార్యక్రమాలు నిర్వహిస్తున్నాడు. ఈ సమయంలో కొందరు సోనూసూద్‌ రాజకీయాల్లోకి ఎంట్రీ ఇవ్వాలని భావిస్తున్నాడు. అందుకే ఇలా సేవా కార్యక్రమాలు చేస్తున్నాడంటూ కొందరు ప్రచారం మొదలు పెట్టారు.

ఈ సమయంలో మరి కొందరు ఆయనకు ఇప్పటి వరకు ఉద్దేశ్యం లేకపోయినా ఇప్పటికి అయినా సోనూ సూద్‌ రాజకీయాల్లోకి రావాలని ప్రధాన మంత్రి అవ్వాలని కోరుకుంటున్నారు. ప్రధాని నరేంద్ర మోడీకి కూడా సాధ్యం కాని ఎన్నో పనులను ఆయన చేశాడంటూ సోనూసూద్‌ అభిమానులు చెబుతూ ఉన్నారు. తాజాగా బాలీవుడ్‌ హాట్‌ బ్యూటీ హుమా ఖురేషి మాట్లాడుతూ సోనూసూద్‌ పీఎం కావాలని కోరుకుంటున్నట్లుగా చెప్పుకొచ్చింది.

సోనూసూద్‌ రాజకీయాల్లోకి వచ్చి ఎన్నికల్లో పోటీ చేస్తే మాత్రం ఖచ్చితంగా తన ఓటు ఆయనకే అంటూ హుమా ఖురేషి పేర్కొంది. సోనూ సూద్‌ చాలా బాధ్యతయుతంగా సేవా కార్యక్రమాలు చేస్తున్నాడు. కనుక ఆయన రాజకీయాల్లోకి వస్తే తప్పకుండా దేశానికి ఉపయోగదాయకం అంటూ ఆమె అభిప్రాయం వ్యక్తం చేసింది. కాని సోనూసూద్‌ కు మాత్రం రాజకీయాల్లోకి వచ్చే ఉద్దేశ్యం లేదని చెప్పుకొచ్చాడు. భవిష్యత్తులో ఏం జరుగుతుంది అనేది మాత్రం ఇప్పుడే చెప్పలేను అంటూ చెప్పుకొచ్చాడు.