బిజీ బాబు బాగా మారిపోయాడు

యాక్టర్ కం డైరెక్టర్ అయిన శ్రీనివాస్ అవసరాల.. ఇప్పుడు తనే హీరోగా సినిమా చేస్తున్న సంగతి తెలిసిందే. బాలీవుడ్ మూవీ హంటర్ ను తెలుగులో రీమేక్ చేస్తుండగా.. తెలుగులో ఈ చిత్రానికి 'బాబు బాగా బిజీ' అనే టైటిల్ పై తెరకెక్కిస్తున్నారు. ఈ మూవీలో నలుగురు హీరోయిన్లతో రొమాన్స్ చేస్తాడు హీరో. అడల్ట్ కామెడీ జోనర్ లో ఈ చిత్రం కోసం.. అవసరాల మేకోవర్ ఇప్పుడు హాట్ టాపిక్ గా మారింది.

'ఇప్పటివరకూ శ్రీనివాస్ అవసరాలను గుడ్ బాయ్ టైపు సాఫ్ట్ కేరక్టర్ల లోనే ప్రేక్షకులు చూశారు. కానీ ఈ సినిమాలో కేరక్టర్ చాలా డిఫరెంట్. అందుకే ఈ పాత్ర కోసం కంప్లీట్ గా మేకోవర్ చేసుకోవాల్సి వచ్చింది. సాఫ్ట్ గా కనిపిస్తూనే హీరోయిన్లకు వల వేసే పాత్రలో శ్రీనివాస్ అవసరాల కనిపిస్తాడు. అందుకే కంప్లీట్ గా తన రూపాన్ని మార్చుకున్నాడు. ఈ చిత్రంలో హీరో పెర్ఫామెన్స్ హైలైట్ గా నిలుస్తుంది' అంటున్నాడు నిర్మాత అభిషేక్ నామా.

ఇప్పటికే బాబు బాగా బిజీ చిత్రం షూటింగ్ పూర్తి కావచ్చింది. ప్రస్తుతం పోస్ట్ ప్రొడక్షన్ వర్క్స్ జరుగుతుండగా.. వీలైనంత త్వరగా పూర్తి చేసేసి.. ఈ నెలలోనే రిలీజ్ చేసేందుకు ప్రయత్నిస్తున్నట్లు చెప్పారు నిర్మాత. మిస్తీ చక్రవర్తి.. తేజస్వి మదివాడ.. శ్రీముఖి.. సుప్రియలతో శ్రీనివాస్ అవసరాల రొమాన్స్ చేస్తుండగా.. బాబు బాగా బిజీ మూవీతో నవీన్ మేడారం దర్శకుడిగా అరంగేట్రం చేస్తున్నాడు.

Like Us on Facebook : https://www.facebook.com/Tupakidotcom/