జాతిరత్నాలు చిట్టి.. వ్వాటే టాలెంట్!

కామెడీ ఎంటర్ టైనర్ గా ప్రేక్షకుల ముందుకు వచ్చిన జాతిరత్నాలు సినిమా బాక్సాఫీస్ వద్ద ఎలాంటి సక్సెస్ ను అందుకుందో ప్రత్యేకంగా చెప్పనవసరం లేదు. ఆ సినిమా తోనే టాలీవుడ్ కు హీరోయిన్ గా పరిచయమైన హైదరాబాద్ బ్యూటీ ఫారియా అబ్దుల్లా. ఆ సినిమాలో ఆమె చిట్టిగా జనాలకు చాలా దగ్గరయిపోయింది. ఇండస్ట్రీలో అనుష్క తర్వాత అత్యంత హైట్ కలిగిన హీరోయిన్ కూడా ఫారియానే కావడం విశేషం.

చిట్టి అనే పాటతో కూడా ఈ బ్యూటీ చాలా బాగా వైరల్ అయింది మొదటి చూపులోనే కుర్రాళ్లను ఎంతగానో కట్టిపడేసింది. అయితే అయితే ఫారియా అబ్దుల్లా చాలామందికి హైదరాబాద్ అని తెలుసు.

అయితే ఆమె కొన్ని విషయాల్లో ఆల్ రౌండర్ అని ఎవరికీ తెలియదు. చూడడానికి అమాయకంగా కనిపించినప్పటికీ ఆమె చాలా విషయాల్లో మంచి టాలెంటెడ్ అని తెలుస్తోంది.

హైదరాబాద్లోనే పుట్టి పెరిగిన ఫారియా అబ్దుల్లా చిన్నతనంలో నుంచే పెయింటింగ్ అలాగే డ్యాన్స్ ఇలా విభిన్నమైన కళలలో తన నైపుణ్యాన్ని ఎంతగానో పెంచుకొంది. పెయింటింగ్‌ క్లాసుల కోసం కాచిగూడ వెళ్లిన ఫారియా లిటరేచర్‌ క్లాసుల కోసం లింగంపల్లి వెళ్లేదట. ఇక అదే సమయంలో నాటకరంగంపై ఆసక్తి పెంచుకుంది. ‘నిషుంబిత’ ‘సమహార’ ఇలా థియేటర్‌ గ్రూప్స్‌తో కలిసి పనిచేసే అవకాశం వచ్చిందట.

యాక్టింగ్ మత్తమే కాకుండా కథ రచన డైరెక్షన్ పై కూడా పట్టు సాధించే విధంగా విద్యాభ్యాసం చేసిందట. కాలెజ్ డేస్ లో డ్యాన్స్ లు చేయడమే కాకుండా తన రచన దర్శకత్వంలోనే ఎన్నో నాటకాలు స్కిట్స్ వేసిందట. ఒక కాలేజ్ లో జరుగుతున్న ప్రోగ్రాం లో డాన్స్ చేస్తూ నాగ్ అశ్విన్ కంటపడింది.

ఆమె టాలెంట్ చూసే జాతిరత్నాలు సినిమా కోసం హీరోయిన్ గా సెలెక్ట్ చేసుకున్నాడు. కాలేజీ అయిపోయిన తర్వాత సినిమాల కోసం ప్రయత్నాలు చేయాలని అనుకున్న ఫారియా అబ్దుల్లాకు ఆ ప్రయత్నాలు ఏవీ చేయకముందే జాతి రత్నాలు సినిమాతో మంచి అవకాశం లభించింది. ఇక ప్రస్తుతం ఆమె మరికొన్ని సినిమాల్లో నటించేందుకు చర్చలు జరుపుతోంది.