రాజమౌళితో తారక్ - విజయ్

ప్రస్తుత రోజుల్లో జరుగుతున్న నేరాలను అరికట్టేందుకు పోలీసులు తీసుకుంటున్న జాగ్రత్తలు అన్ని ఇన్ని కావు. ఒకరికి శిక్ష వేసినంత మాత్రానా దారుణాలు ఆగవు అని ఎన్నో ఉదాహరణలు నిరూపించాయి.దీంతో పోలీసులు జనంలో మార్పు తీసుకొచ్చే విధంగా లఘు చిత్రాల ద్వారా వారి స్టైల్ లో తెలియజేయాలని అందుకున్నారు. పోలీసులు అంటే ప్రతి ఒక్కరికి ఎంతో గౌరవం. వారు పక్కన లేకుంటే పెద్ద సెలబ్రెటీలు నాయకులూ బయటకు రావడం కష్టం.

ఇకపోతే పోలీసులు అప్పుడపుడు కొన్ని మంచి మంచి కాత్యక్రమాలు నిర్వహిస్తుంటారు. ఉద్యోగావకాశాల విషయంలో జరిగే మోసాల గురించి అలాగే క్రెడిట్ కార్డ్ - ఓటీపీ - పెళ్లి ప్రకటనలు వంటి మోసపూరిత విషయాల్లో అవగాహనా కల్పించేందుకు కొన్ని కార్యక్రమాలు నిర్వహిస్తుంటారు. అయితే ఆ కార్యక్రమాలకు సెలబ్రెటీలు కూడా వస్తుంటారు. ఇప్పుడు హైదరాబాద్ లో నిర్వహించే కొన్ని సామజిక అవగాహనా కార్యక్రమాల్లో దర్శకుడు ఎస్.ఎస్. రాజమౌళి అలాగే ఎన్టీఆర్ పాల్గొనబోతున్నారట.

అంతే కాకుండా వారితో పాటు విజయదేవరకొండ కూడా పాల్గొననున్నాడని తెలుస్తోంది. అయితే ముందుగా వీరు లఘు చిత్రాల్లో కనిపించనున్నారట. ఆ షార్ట్ ఫిలిమ్స్ లో మంచి మెసేజ్ ఉంటుందట. ఇక రాజమౌళి ప్రస్తుతం తారక్ - చరణ్ తో ఒక సినిమా తెరకెక్కించే ప్రయత్నంలో ఉన్న సంగతి తెలిసిందే. ఇక విజయ్ దేవరకొండ కొన్ని సినిమాల్లో నటిస్తున్నాడు.