ఇలా పిల్లల్ని చూస్తుంటే ఆనందంగా ఉంది : చిరంజీవి

మెగా స్టార్‌ చిరంజీవి తన ముగ్గురు పిల్లల యొక్క ఫోటోను షేర్ చేసి ఆనందాన్ని వ్యక్తం చేశాడు. రామ్‌ చరణ్.. సుష్మిత మరియు శ్రీజ ముగ్గురు కలిసి దిగిన ఈ ఫోటోను షేర్ చేసిన చిరంజీవి ఈ ఫోటోను ఇన్ స్టా గ్రామ్‌ లో షేర్‌ చేసి తన అభిమానులతో ఆనందాన్ని పంచుకున్నాడు.

తమ పిల్లలందరూ ఒక దగ్గర ఉల్లాసంగా గడిపితే ఆ తల్లిదండ్రులకు కలిగే ఉత్సాహమే వేరు.. అన్నట్లుగా ఫోటోతో పాటు చిరంజీవి కామెంట్‌ పెట్టాడు. సోషల్‌ మీడియాలో ప్రస్తుతం ఈ ఫోటో వైరల్‌ అవుతోంది. పెద్ద ఎత్తున సోషల్‌ మీడియాలో ఈ ఫోటో గురించి చర్చ జరుగుతోంది.

రెగ్యులర్‌ గా ఫ్యామిలీ గేదరింగ్స్ లో కలుస్తూనే ఉండే వీళ్లు ముగ్గురు ఇలా కలవడంతో చిరంజీవి ఆ ఫోటోను షేర్ చేశాడు. రామ్‌ చరణ్ మరియు ఇద్దరు సోదరిలతో కలిసి ఉన్న ఫోటో లు చాలా రేర్ గా ఉంటాయి. ఈ ఫోటో మెగా ఫ్యాన్స్ ఎప్పటికీ అలా గుర్తుంచుకునేలా ఉందంటూ కామెంట్స్ చేస్తున్నారు.

ఇక చిరంజీవి సినిమా విషయానికి వస్తే ప్రస్తుతం బాబీ దర్శకత్వంలో రూపొందుతున్న సినిమాలో నటిస్తున్నాడు. ఆ సినిమా కి సంబంధించిన షూటింగ్‌ ప్రస్తుతం జరుగుతోంది. వాల్తేరు వీరన్న అనే టైటిల్‌ ని పరిశీలిస్తున్నారు. త్వరలోనే ఒక టైటిల్‌ ను ఖరారు చేసే అవకాశం ఉంది.

వచ్చే ఏడాది ఆరంభంలో ఈ సినిమా రాబోతుంది. ఇక చరణ్ ప్రస్తుతం శంకర్ దర్శకత్వంలో సినిమా చేస్తున్న విషయం తెల్సిందే. మరో వైపు సుస్మిత తన తండ్రి మరియు సోదరుడు సినిమాలతో పాటు మరి కొన్ని సినిమాలకు కాస్ట్యూమ్స్ డైరెక్టర్ గా వ్యవహరిస్తూ ఉంది అంతే కాకుండా నిర్మాతగా కూడా ఎంట్రీ ఇచ్చిన విషయం తెల్సిందే. శ్రీజ కూడా సినిమా రంగంలోకి అడుగు పెట్టే యోచనలో ఉన్నట్లు తెలుస్తోంది.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.