నేను సృజనా లవర్ కాదన్న హీరో

ఆరెక్స్ 100లో భగ్న ప్రేమికుడు శివగా ఇందు చేత మోసపోయి ఆఖరికి ప్రాణాలు వదిలే పాత్రలో యూత్ కి బాగా కనెక్ట్ అయిన కార్తికేయ కొత్త సినిమా హిప్పి వచ్చే వారం విడుదల కానుంది. ఈ సందర్భంగా నిన్న ప్రీ రిలీజ్ ఈవెంట్ గ్రాండ్ గా చేసారు. తన స్పీచ్ లో కొన్ని చిత్ర విచిత్రమైన ప్రస్తావనలు తెచ్చిన కార్తికేయ రెండు నెలల క్రితం సోషల్ మీడియాను సునామిలా కమ్మేసిన సృజనా ఆడియో క్లిప్ ప్రస్తావన తీసుకురావడం విశేషం.

అందులో సృజనా అనే అమ్మాయి చేతిలో మోసపోయిన ఓ యువకుడు ఆమెకు ఫోన్ చేసి అరగంట పాటు మాటల్లో రాయలేనంత దారుణ బాషలో తిట్టడం యూత్ లో బాగా వైరల్ అయ్యింది. సృజనా తిన్నవారా అనేది కొద్దిరోజుల పాటు ట్రెండింగ్ లో ఉందంటే దాని ప్రభావం ఏ స్థాయిలో ఉందో అర్థం చేసుకోవచ్చు.

ఇప్పుడు దాన్నే ఉదాహరిస్తూ అందరూ ఆరెక్స్ 100 తర్వాత తనను ఇంకా లవ్ ఫెయిల్యూర్ గానే చూస్తున్నారని సృజనా బాధితుడిగా తనను సానుభూతితో పోలుస్తున్నారని చెప్పుకొచ్చాడు.

నా ఫోటో పెట్టి సృజన లవర్ గా మేమ్స్ చేస్తున్నారన్న కార్తికేయ మొత్తానికి ఏదేదో మాట్లాడి అటెన్షన్ తీసుకునే ప్రయత్నం చేశాడు. ఆరెక్స్ 100లో మోసపోయినా హిప్పిలో ఇద్దరు అమ్మాయిలను ట్రాప్ చేసానని గర్వంగా చెప్పుకోవడం కొసమెరుపు. తమిళ తెలుగు బాషలలో రూపొందిన హిప్పి 7న రిలీజ్ కానుంది. ఇప్పటికే ట్రైలర్ లో బోల్డ్ కంటెంట్ గురించి ఓపెన్ అయిన టీం సినిమాలో కూడా అదే స్థాయిలో రొమాన్స్ ఉంటుందన్న హామీ ఇస్తోంది. పెద్ద బ్యానర్ కావడంతో కార్తికేయ కూడా రిజల్ట్ పట్ల చాలా కాన్ఫిడెంట్ గా ఉన్నాడు