'అర‌ణ్య'తో చాలా హ్యాపీగా ఉన్నానుః న‌టుడు

రానా దగ్గుబాటి హీరోగా ప్ర‌భు సాలోమ‌న్ ద‌ర్శక‌త్వంలో వ‌చ్చిన సినిమా అర‌ణ్య‌. ఈ సినిమా ఇటీవ‌లే విడుద‌లైంది. సినిమా టేకింగ్ విష‌యంలో కొంత డివైడ్ టాక్ ఉన్నా.. రానా యాక్టింగ్ కు మంచి ప్ర‌శంస‌లు ద‌క్కాయి. అయితే.. ఈ సినిమా త‌న‌కు కూడా మంచి గుర్తింపు తెచ్చింద‌ని అంటున్నారు న‌టుడు సంప‌త్ రామ్‌.

గ‌డిచిన రెండు ద‌శాబ్దాలుగా త‌మిళ‌నాట ఎన్నో చిత్రాల్లో న‌టించిన సంప‌త్‌.. కోలీవుడ్ తెర‌పై త‌న‌దైన ముద్ర‌వేశారు. క్యారెక్ట‌ర్ ఆర్టిస్టుగా మంచి స‌పోర్టు ఇచ్చే న‌టుడిగా ఆయ‌న పేరు తెచ్చుకున్నారు. ర‌జ‌నీకాంత్‌, క‌మ‌ల్ హాస‌న్ వంటి స్టార్ హీరోల‌తో క‌లిసి న‌టించిన సంప‌త్ రామ్‌.. తెలుగులోనూ ఓసారి మెరిశారు.

మంచు విష్ణు డెబ్యూ మూవీ విష్ణులో చిన్న పాత్ర‌లో క‌నిపించారు. ఆ త‌ర్వాత మ‌ళ్లీ తెలుగులో క‌నిపించ‌లేదు. ఇన్నాళ్ల త‌ర్వాత అర‌ణ్య‌తో మ‌రోసారి తెలుగు ప్రేక్ష‌కుల‌ను ప‌ల‌క‌రించారు. అయితే.. ఈ సినిమా ద్వారా త‌న‌కు మంచి గుర్తింపు వ‌చ్చింద‌ని హ్యాపీగా ఉన్నారు. వెంక‌టేష్ హీరోగా శ్రీకాంత్ అడ్డాల తెర‌కెక్కిస్తున్న నార‌ప్ప సినిమాలో కూడా సంప‌త్ రామ్‌ న‌టిస్తున్నారు.