ఆ పాపకు రౌడీ అంటే చాలా ఇష్టం అంట!

సోషల్ మీడియా సెన్సేషన్ ప్రియా ప్రకాష్ వారియర్ పేరు అందరికీ తెలిసే ఉంటుంది. 'ఒరు ఆదార్ లవ్' అనే మలయాళం సినిమాతో హీరోయిన్ గా ఎంట్రీ ఇచ్చింది. ఆ సినిమాలో కన్ను గీటే వీడియో క్లిప్ సోషల్ మీడియాలో సంచలనం సృష్టించడంతో 'వింక్ గర్ల్' గా పాపులర్ అయింది. ఆ సినిమా డబ్బింగ్ వెర్షన్ 'లవర్స్ డే' తెలుగులో రిలీజ్ అయినా ఫ్లాప్ కావడంతో ఎవరూ పట్టించుకోలేదు. ఈ భామ సోషల్ మీడియాలో చాలా యాక్టివ్ గా ఉంటుంది.

తాజాగా ప్రియ తన ఇన్స్టా ఖాతా ద్వారా ఒక ఫోటో పోస్ట్ చేసింది. ఈ ఫోటోలో రౌడీ హీరో విజయ్ దేవరకొండతో కలిసి కెమెరాకు పోజిచ్చింది. ఫోటో కొత్తది కాదు... 'డియర్ కామ్రేడ్ షూటింగ్ సమయంలో తీసిన ఫోటోలాగా అనిపిస్తోంది. ఈ ఫోటోకు ప్రియా వారియర్ "నువ్వంటే నాకు చాలా ఇష్టం" అంటూ క్యాప్షన్ ఇచ్చింది. 'డియర్ కామ్రేడ్' తో ఫెయిల్యూర్ ఎదుర్కొన్నప్పటికీ విజయ్ క్రేజ్ ఏమీ తగ్గలేదు. ఈ కన్నుగీటు భామ వాలకం చూస్తుంటే.. విజయ్ ఫ్యూచర్ ప్రాజెక్టులలో హీరోయిన్ ఛాన్స్ కోసం ఇప్పటి నుంచే కర్చీఫ్ వేసి పెడుతున్నట్టుగా అనిపిస్తోంది కదా?

ప్రియ ప్రస్తుతం 'శ్రీదేవి బంగ్లా' అనే హిందీ చిత్రంలో నటిస్తోంది. ఈ సినిమా కాకుండా నితిన్ హీరోగా చంద్రశేఖర్ యేలేటి దర్శకత్వంలో తెరకెక్కుతున్న మరో సినిమాలో కూడా హీరోయిన్ గా నటిస్తోంది.