శ్రియ.. దీపికా.. జాక్వెలిన్.. బ్రేవో!!

డ్వేన్ బ్రేవో.. వెస్టిండీస్ క్రికెటర్ గా వరల్డ్ ఫేమస్. ఈ మధ్యనే బోలెడన్ని కొత్త ట్యాలెంట్స్ కూడా చూపించేస్తున్నాడు. పైగా తన ప్రతిభనంతా ఇండియన్స్ కే ఎక్కువ చూపిస్తున్నాడు కూడా. ఇప్పటికే 'ఝలక్ దిఖలా జా' డ్యాన్స్ కాంటెస్ట్ షోలో కంటెస్టెంట్ కూడా.

రీసెంట్ గా హీరోయిన్ శ్రియ శరణ్ తో ఓ రెస్టారెంట్ లో దొరికేశాడు బ్రేవో. ఇది జరిగి పట్టుమని నాలుగు రోజులు గడవక ముందే.. ఇప్పుడు దీపికా పదుకొనేపై మనసు పడిపోతున్నాడు. తను క్రికెటర్ అయినా.. ఇండియన్ ఎంటర్టెయిన్మెంట్ ఇండస్ట్రీ అంటే ఇష్టం ఎక్కువ అని.. కరణ్ జోహార్ తో కలిసి దీపికా పదుకొనేకి జోడీగా నటించడానికి ఉత్సాహంగా ఎదురుచూస్తున్నట్లు చెప్పాడు బ్రేవో. డైరెక్టర్ ని.. హీరోయిన్ ని తనే ఫైనలైజ్ చేసి సినిమా చేస్తానని అంటున్నాడంటే.. ఇండియన్ హీరోల వరస బాగానే వంటబట్టించుకుట్లున్నాడు కదూ.

ప్రస్తుతం ఝలక్ దిఖలా జా డ్యాన్సింగ్ కాంపిటీషన్ షోలో పాల్గొంటున్నాడని ముందే చెప్పేసుకున్నాం. రీసెంట్ సిరీస్ కి జడ్జ్ గా ఉన్న జాక్వెలిన్ ఫెర్నాండెజ్ కూడా బాగా నచ్చేసిందట డ్వేన్ బ్రేవోకి. రీసెంట్ గా తుమ్ బిన్2లో ఓ పాట కూడా పాడేశాడీ క్రికెటర్. ఇండియాలో సెటిల్ అయిపోయేందుకు మాంచి స్కెచ్ లనే సిద్ధం చేసుకుంటున్నాడు బ్రేవో.



Like Us on Facebook : https://www.facebook.com/Tupakidotcom/