కిలాడీ మ‌రో క్రేజీ బ‌యోపిక్‌

ప్ర‌స్తుతం బ‌యోపిక్‌ ల ట్రెండ్ న‌డుస్తోంది. ముఖ్యంగా క్రీడాకారుల బ‌యోపిక్‌ లు తెర‌కెక్కించేందుకు ఫిలింమేక‌ర్స్‌ ఆస‌క్తి చూపిస్తున్నారు. మేరికోమ్‌ - మిల్కా సింగ్‌ - ఎం.ఎస్‌.ధోని - స‌చిన్ టెండూల్క‌ర్ వంటి ప్ర‌ముఖుల బ‌యోపిక్‌ లు పెద్ద స‌క్సెస‌య్యాయి. ఆ క్ర‌మంలోనే సైనా నెహ్వాల్ బ‌యోపిక్‌ - పుల్లెల గోపిచంద్‌ బ‌యోపిక్‌ - క‌పిల్‌ దేవ్ వంటి ప్ర‌ముఖు క్రీడాకారుల బ‌యోపిక్‌ లు తెర‌కెక్కిస్తున్నారు. ఇవ‌న్నీ ప్ర‌స్తుతం ఆన్ సెట్స్ ఉన్నాయి. కొన్ని అండ‌ర్ ప్రొడ‌క్ష‌న్‌ లో ఉన్నాయి.

ఇక‌పోతే ఈ వ‌రుస‌లోనే మ‌రో బ‌యోపిక్‌. ప్ర‌ఖ్యాత అథ్లెట్ హిమ‌దాస్ జీవితాన్ని వెండితెర‌కెక్కించేందుకు స‌న్నాహాలు సాగుతున్నాయి. అస‌లు ఎలాంటి సౌక‌ర్యాలు లేని ఓ మారుమూల గ్రామం నుంచి వ‌చ్చిన హిమ‌దాస్ వ‌ర‌ల్డ్ జూనియ‌ర్ అథ్లెటిక్స్ చాంపియ‌న్‌ షిప్‌ లో బంగారు ప‌థ‌కం సాధించిన తొలి ఇండియ‌న్ ఉమెన్‌ గా ఘ‌నతకెక్కారు. అందుకే `ప్యాడ్‌ మ్యాన్` లాంటి స్ఫూర్తివంత‌మైన చిత్రంలో న‌టించిన కిలాడీ అక్ష‌య్‌ కుమార్ హిమ‌దాస్ బ‌యోపిక్‌ ని తెర‌కెక్కిస్తే అది ఎంద‌రికో స్ఫూర్తినిస్తుంద‌ని ప్ర‌క‌టించారు. హిమ‌దాస్ పేద‌రికం నుంచి వ‌చ్చి ట్రాక్‌ & ఫీల్డ్ అథ్లెట్‌ గా ఎదిగింది. త‌న జీవితం ఎంతో ఆస‌క్తిక‌రంగా ఉంటుంది. ఇలాంటి బ‌యోపిక్ త‌ప్ప‌నిస‌రిగా తీయాల‌ని అన్నారు. అయితే హిమ‌దాస్ పాత్ర‌లో ఎవ‌రు న‌టిస్తే బావుంటుంది? ఈ బ‌యోపిక్‌ ని ఎవ‌రు తెర‌కెక్కిస్తారు అన్న ఆస‌క్తిని అక్కీ పెంచారు.