అంతా ధోని పుణ్య‌మే అంటున్న సెక్స్ బాంబ్

ధోని లేకుంటే తాను లేనంటోంది సెక్స్ బాంబ్ పూన‌మ్ పాండే. త‌న ఈ కెరీర్ ధోని పుణ్య‌మే అని క్రెడిట్ ఇచ్చేసిందీ ముంబ‌యి భామ‌. త‌న కొత్త సినిమా ‘ది వీకెండ్ ప్ర‌మోష‌న్ల‌లో భాగంగా పూన‌మ్ ఈ వ్యాఖ్య‌లు చేసింది. త్వ‌ర‌లోనే ధోని బ‌యోపిక్ ఎం.ఎస్‌.ధోని రిలీజ‌వుతోంది క‌దా.. మీ ఫీలింగ్ ఏంటి అని అడిగితే ఇలా సెల‌విచ్చింది పూన‌మ్‌. ‘‘ఈ రోజు నేనిలా ఉన్నానంటే అందుకు ధోనినే కార‌ణం’’ అని ఆమె ఒక్క మాట‌లో తేల్చేసింది.

పూన‌మ్ పాండే ఎలా ఫేమ‌స్ అయ్యిందో గుర్తు చేసుకుంటే ఆమె ఈ మాట ఎందుకందో అర్థ‌మ‌వుతుంది. ఐదేళ్ల కింద‌ట ఇండియ‌న్ క్రికెట్ టీమ్ ప్ర‌పంచక‌ప్ గెలిచిన‌పుడు పూన‌మ్ తొలిసారి వార్త‌ల్లోకి వ‌చ్చింది. ఫైన‌ల్ మ్యాచ్ కు ముందు ఆమె ఓ సంచ‌ల‌న ప్ర‌క‌ట‌న చేసింది. టీమ్ ఇండియా ప్ర‌పంచ క‌ప్ గెలిస్తే తాను ఒంటిపై నూలుపోగు లేకుండా న్యూడ్ షో చేస్తాన‌ని ఆమె ఆఫ‌ర్ ఇచ్చింది.

ఐతే భార‌త జ‌ట్టు క‌ప్పు గెలిచినా పూన‌మ్ త‌న మాట నిల‌బెట్టుకోలేదు. అయిన‌ప్ప‌టికీ ఆమె పేరు మార్మోగింది. ఆమె కోరుకున్న ప‌బ్లిసిటీ వ‌చ్చేసింది. ఆ పునాదుల మీదే పూన‌మ్ ఎదిగింది. త‌ర‌చుగా హాట్ హాట్ ఫొటో షూట్లు చేయ‌డం.. వీడియోలు రిలీజ్ చేయ‌డం ద్వారా ఫాలోవ‌ర్ల‌ను బాగా పెంచుకుంది. ఈ క్ర‌మంలోనే బాలీవుడ్లో.. సౌత్ ఇండియాలో రెండు మూడు సినిమాలు కూడా చేసింది. అవి మంచి ఫ‌లితాన్నివ్వ‌కుండా పూన‌మ్ ఫాలోయింగేమీ త‌గ్గిపోలేదు. ఆమె బండి బాగానే న‌డుస్తోంది.