ఇచ్చట వాహనములు నిలుపరాదు.. న్యూ పోస్టర్ విడుదల!

సినీ పరిశ్రమలో హోలీ పండగ వాతావరణం బాగానే కనిపిస్తుంది. ఎందుకంటే సినిమా దర్శకనిర్మాతలు అందరూ కూడా తమ సినిమాలకు సంబంధించిన న్యూ పోస్టర్స్ విడుదల చేస్తున్నారు. అన్ని పండుగలకు సినిమా ఇండస్ట్రీ నుండి అప్డేట్స్ రావడం అనేది మంచి విషయమనే చెప్పాలి. ప్రతి స్పెషల్ డేకి ఆయా హీరో హీరోయిన్ల ఫ్యాన్స్, ఫాలోయర్స్ అప్డేట్స్ కోసం ఎదురుచూస్తూ ఉంటారు. తాజాగా యువహీరో అక్కినేని ఫ్యామిలీ హీరో సుశాంత్ నటిస్తున్న కొత్త సినిమా 'ఇచ్చట వాహనములు నిలుపరాదు'. ఈ సినిమా నుండి తాజాగా మేకర్స్ హోలీ పోస్టర్ రిలీజ్ చేశారు. ఏ1 స్టూడియోస్ అండ్ శాస్త్ర మూవీస్ సంయుక్తంగా నిర్మిస్తున్న ఈ సినిమాలో సుశాంత్, మీనాక్షి చౌదరి జంటగా నటిస్తున్నారు.

తాజాగా రిలీజ్ చేసిన పోస్టర్ చూస్తే.. హీరో సుశాంత్ అలాగే హీరోయిన్ మీనాక్షి ఇద్దరూ కూడా బైక్ రైడ్ కి వెళ్లొచ్చినట్లుగా కనిపిస్తుంది. అలాగే ఇద్దరూ కూడా స్టైలిష్ లుక్స్ లో, డ్రెస్సింగ్ స్టైల్స్ తో స్మార్ట్ గా కనిపిస్తున్నారు. అలవైకుంఠపురంలో సినిమా తర్వాత సుశాంత్ చేస్తున్న సినిమా ఇది. అలాగే ఈ సినిమాతో మీనాక్షి చౌదరి తెలుగు ఇండస్ట్రీకి పరిచయం కాబోతుంది. థ్రిల్లర్ మూవీగా తెరకెక్కుతున్న ఈ సినిమా నిజానికి మార్చ్ 12న విడుదల చేయనున్నట్లు మేకర్స్ ప్రకటించారు. కానీ ఎందుకోగాని సినిమా విడుదల తేదీని వాయిదా వేసిన సంగతి తెలిసిందే. ఈ సినిమాకు దర్శన్ దర్శకత్వం వహిస్తున్నాడు. అలాగే ఈ సినిమాను రవిశంకర్ శాస్త్రి, ఏక్తా శాస్త్రి, హరీష్ కోయలగుండ్ల సంయుక్తంగా నిర్మిస్తున్నారు. చూడాలి మరి త్వరలో రిలీజ్ డేట్ రానుందేమో!