కూతురుతో ఐకానిక్ స్టార్ బర్త్‌ డే స్పెషల్ పిక్‌

ఐకానిక్ స్టార్ అల్లు అర్జున్‌ సోషల్‌ మీడియాలో ఈమద్య రెగ్యులర్ గా తన పుష్ప సినిమా అప్‌డేట్స్ తో వైరల్‌ అవుతూనే ఉన్నాడు. సౌత్ నుండి నార్త్‌ వరకు.. ఈస్ట్ నుండి వెస్ట్ భారతం వరకు ప్రతి చోట కూడా అల్లు అర్జున్ గురించిన చర్చ జరుగుతోంది. పుష్ప సినిమా లో ఆయన లుక్.. ఆయన బాడీ లాంగ్వేజ్ గురించి మీడియాలో తెగ చర్చ జరుగుతూనే ఉంది. తాజాగా అల్లు అర్జున్‌ తన కూతురు అర్హతో కలిసి సోషల్ మీడియాలో సందడి చేసేందుకు ముందుకు వచ్చాడు. అల్లు అర్హ పుట్టిన రోజు నేడు. ఈ సందర్బంగా బన్నీ తన ప్రిన్సెస్ కు పుట్టిన రోజు శుభాకాంక్షలు తెలియజేసిన తీరు అందరిని ఆకట్టుకుంది.

ఈ ఫొటోను షేర్‌ చేసిన బన్నీ తనకు కూతురు పై ఉన్న అభిమానం.. ప్రేమను చాటుకున్నాడు. ఎంత బిజీగా ఉన్నా కూడా తన పిల్లలతో సమయం గడిపేందుకు ఇష్టపడే అల్లు అర్జున్‌ అర్హతో ఎప్పుడు చేసే సరదా సంభాషణలు మరియు ఇద్దరి గేమ్స్ గురించి సోషల్‌ మీడియాలో వీడియోలు మరియు ఫొటోలు మనం చూస్తూనే ఉంటాం. స్నేహా రెడ్డి వీరిద్దరి హడావుడిని తన ఇన్ స్టాలో షేర్‌ చేసుకుంటూనే ఉంది. అల్లు అర్హ చిన్నప్పటి నుండే సోషల్ మీడియా సెన్షేషన్‌. ఆరువ సంవత్సరంలో అడుగు పెట్టిన అర్హ కు పెద్ద ఎత్తున అభిమానులు శుభాకాంక్షలు తెలియజేస్తున్నారు.

ఇక అల్లు అర్జున్‌ సినిమాల విషయానికి వస్తే సుకుమార్‌ దర్శకత్వంలో నటించిన పుష్ప సినిమా వచ్చే నెలలో విడుదలకు సిద్దం అవుతోంది. షూటింగ్ అతి త్వరలోనే ముగించే అవకాశాలు ఉన్నాయంటున్నారు. ఐటెం సాంగ్‌ విషయంలో ఇటీవలే అధికారికంగా ప్రకటన వచ్చింది. సమంత ను ఈ సినిమాలో ఐటెం సాంగ్‌ లో చూపించబోతున్నట్లుగా క్లారిటీ ఇచ్చిన మేకర్స్ సినిమాను అయిదు భాషల్లో భారీ ఎత్తున విడుదల చేయబోతున్నట్లుగా ప్రకటించారు. రికార్డు బ్రేకింగ్‌ వసూళ్లతో ఈ సినిమా బన్నీ కెరీర్ లోనే నిలిచి పోయే సినిమాగా నిలుస్తుందని అభిమానులు అంటున్నారు. ఈ సినిమా రెండు పార్ట్‌ లుగా రాబోతున్న విషయం తెల్సిందే. వచ్చే ఏడాది రెండవ పార్ట్‌ షూటింగ్ ప్రారంభం కాబోతుంది.