గౌతమ్‌ హీరో అయితే మహేష్‌ సహకారం..!

కృష్ణ నట వారసుడిగా మహేష్‌ బాబు తెరంగేట్రం చేసిన విషయం తెల్సిందే. ఇండస్ట్రీలో అడుగు పెట్టేందుకు తండ్రి క్రేజ్‌ ఉపయోగపడింది. కాని మహేష్‌ బాబు సొంత కష్టంతో సూపర్‌ స్టార్‌ గా నిలబడ్డాడు. తండ్రికి తగ్గ తనయుడు అనిపించుకోవడం మాత్రమే కాకుండా తండ్రిని మించిన తనయుడు అన్నట్లుగా కూడా పేరు దక్కించుకున్నాడు. మహేష్ బాబు వరుసగా బ్లాక్‌ బస్టర్‌ లు చేస్తున్నాడు. ఈ సమయంలోనే ఆయన వారసుడి గురించి ప్రచారం జోరుగా సాగుతోంది. మహేష్‌ బాబు తనయుడు గౌతమ్‌ కృష్ణ ఇప్పటికే ఒక సినిమాలో బాల నటుడిగా నటించాడు. ఆ సినిమా ప్లాప్ అయినా కూడా గౌతమ్‌ ప్రేక్షకులకు బాగా నచ్చాడు. భవిష్యత్తులో గౌతమ్ స్టార్ అవుతాడని ఆ సినిమా ను చూసిన మహేష్‌ అభిమానులు ముచ్చటించుకున్నారు.

గౌతమ్‌ 'నేనొక్కడినే' సినిమా తర్వాత ఇప్పటి వరకు సినిమాల్లో నటించలేదు. అప్పుడప్పుడు సోషల్‌ మీడియాలో కనిపిస్తూ ఉన్నాడు. ఇప్పటికే హైట్‌ లో తండ్రిని అందుకున్న గౌతమ్‌ ఇన్నోసెంట్‌ గా కనిపిస్తూ మరో మహేష్‌ బాబులా అనిపిస్తాడు. ఇప్పుడు కాకున్నా భవిష్యత్తులో అయిన మహేష్‌ బాబు నట వారసుడిగా గౌతమ్‌ తెరంగేట్రం చేయడం ఖాయం అంటూ అంతా నమ్మకంగా ఉన్నారు. ఈ సమయంలో మహేష్‌ బాబు అన్‌ స్టాపబుల్‌ షో లో గౌతమ్‌ హీరో అవుతాడు అనే హింట్‌ ఇచ్చాడు. మహేష్ బాబుకు సినిమాలపై ఆసక్తి ఉందని గతంలో చెప్పుకొచ్చిన మహేష్‌ బాబు ఇప్పుడు అతడు హీరో అయ్యే అవకాశాలు ఉన్నాయి అన్నట్లుగా తన వ్యాఖ్యల ద్వారా చెప్పకనే చెప్పాడు.

అన్‌ స్టాపబుల్‌ షో లో బాలయ్య తో మాట్లాడుతూ తన సినిమాలు ప్లాప్‌ కు పూర్తిగా నేనే బాధ్యత వహిస్తాను. ఒక సినిమా ప్లాప్ అయితే హీరో బాధ్యత ఉంటుందని నేను నమ్ముతాను. అదే విషయాన్ని భవిష్యత్తులో మా అబ్బాయి హీరోగా అయితే చెప్తాను. సినిమా ప్లాప్ అయితే పూర్తి బాధ్యత తీసుకోవాలని మా అబ్బాయితో చెప్తాను అన్నట్లుగా మహేష్‌ బాబు చెప్పుకొచ్చాడు. అంటే దీన్ని బట్టి మహేష్ బాబు తన కొడుకును హీరోగా చూడాలని భావిస్తున్నట్లుగా అనిపిస్తుందని టాక్ వినిపిస్తుంది. సర్కారు వారి పాట సినిమాతో మహేష్‌ బాబు ప్రేక్షకుల ముందుకు రాబోతున్నాడు. ఇటీవలే త్రివిక్రమ్‌ మూవీ కూడా పూజా కార్యక్రమాలతో మొదలు అయ్యింది. అతి త్వరలోనే రెగ్యులర్ షూటింగ్‌ కూడా ప్రారంభం కాబోతుంది. మహేష్‌ బాబు వచ్చే ఏడాదిలో రాజమౌళి దర్శకత్వంలో ఒక సినిమాను చేస్తాడనే వార్తలు కూడా వస్తున్నాయి. ఇక గౌతమ్‌ ఇండస్ట్రీలో అడుగు పెట్టాలంటే 2030 వరకు వెయిట్‌ చేయాల్సి ఉందేమో చూడాలి.