శృతి హాసన్ రాక్ స్టార్ డ్రీమ్ తీరినట్టే!

హీరోయిన్లు నటన కాకుండా మరింకేదైనా ప్రొఫెషన్ ఎంచుకోవాల్సి వస్తే నిర్మాతగా మారడమో లేదా ఇతర బిజినెస్ లు మొదలు పెట్టడమో చేస్తారు. లేదు అంటే రాజకీయాల్లోకి ఎంట్రీ ఇస్తారు. కానీ శృతి హాసన్ మాత్రం అందరికీ భిన్నంగా సింగింగ్ కెరీర్ ఎంచుకుంది. సింగింగ్ అనగానే సినిమాలకు పాడే సింగర్ గా కాదు. ఇంటర్నేషనల్ రాక్ స్టార్ గా గుర్తింపు తెచ్చుకోవాలని శృతికి చిన్ననాటి కల. అదిప్పుడు తీరబోతోంది.

శృతి 2016 నుండి సినిమాలలో నటించడం తగ్గించేసింది. బాయ్ ఫ్రెండ్ మైఖేల్ కోర్సలే తో చెట్టాపట్టాలేసుకొని లండన్ లో తిరుగుతోంది. అప్పుడప్పుడు మైఖేల్ తో ఇండియాలో కూడా దర్శనమిస్తోంది. శృతి ఊరికే టైమ్ పాస్ చేసేందుకు లండన్ లో ఉండడం లేదు. అక్కడ తన సింగింగ్ కెరీర్ కోసం ప్రయత్నాలు చేస్తోంది. శుక్రవారం నాడు లండన్ లో లైవ్ మ్యూజిక్ కు కేరాఫ్ ఆడ్రెస్ లాంటి ట్రూబడోర్ కాఫీ షాప్ లో మొదటి సారి పెర్ఫార్మన్స్ ఇస్తోంది. ఈ పెర్ఫార్మన్స్ లో ప్రత్యేకత ఏంటంటే.. తన టీమ్ మెంబర్స్ తో పాటు కలిసి రాసిన లిరిక్స్.. కంపోజ్ చేసిన ఒరిజినల్ ట్యూన్ తోనే లైవ్ షో చేస్తుంది.

నిజం రాక్ స్టార్ లాగా గిటార్ వాయిస్తూ పాట పాడుతూ శృతి హంగామా చేస్తుందట. ఒకవేళ శృతి లైవ్ పెర్ఫార్మన్స్ కు కనుక మంచి రెస్పాన్స్ వస్తే ఇక తన రాక్ స్టార్ కెరీర్ కు మొదటి అడుగు పడినట్టే. ఫ్యూచర్ లో టాప్ ఇంటర్నేషనల్ సింగర్ అయ్యే దిశగా తన ప్రయత్నాలు ముమ్మరం చేస్తుంది. సూపర్ కదా?