మ‌హేష్ తో కొడితే పోకిరి రేంజులోనే.. లేదంటేనా!!

సూప‌ర్ స్టార్ మ‌హేష్ క‌థానాయ‌కుడిగా పూరి జ‌గ‌న్నాథ్ తెర‌కెక్కించిన `పోకిరి` ఎంత‌టి సంచ‌ల‌న విజ‌యం సాధించిందో తెలిసిన‌దే. మ‌హేష్ స్టార్ డ‌మ్ తో పాటు పూరి జ‌గ‌న్నాథ్ ఇమేజ్ కూడా మ‌రో లెవ‌ల్ ని ట‌చ్ చేశాయి. ఇలియానా స్టార్ డ‌మ్ అమాంతం మారిపోయింది. చాలామంది న‌టీన‌టుల‌ ద‌శ దిశ తిరిగిపోయింది. పోకిరి త‌ర్వాత‌ పూరి .. ఇలియానా ఎంత బిజీ అయ్యారో తెలిసిన‌దే.

పోకిరి రేంజులో కాకుండా వేరేగా ఉంటే మాత్రం ప్ర‌యోజ‌నం ఉండ‌ద‌ని ఓ ఇద్ద‌రు ద‌ర్శ‌కుల‌ విష‌యంలో నిరూప‌ణ అయ్యింది. మ‌హేశ్ తో సినిమా చేస్తే పెద్ద హిట్టుతో ఓ రేంజ్ కి వెళ్లిపోవ‌చ్చు. అదే ఫ్లాప్ వ‌చ్చినా లేదా ప్ర‌మోటెడ్ హిట్ అనే టాక్ వ‌చ్చినా మ‌ళ్లీ ఆఫ‌ర్ల కోసం అంద‌రి చుట్టూ తిర‌గాల్సిందే.

ఇప్ప‌టికైతే మ‌హేశ్ తో సినిమా వ‌చ్చిందంటే గోల్డెన్ ఆఫ‌రే అనుకోవాలి. ఛాన్స్ ద‌క్కినా అది అటు ఇటు తిరిగి ట్రాక్ మారితే మాత్రం అంతే సంగతి. టాలీవుడ్ లో ఓ ఇద్ద‌రు ప్ర‌ముఖ ద‌ర్శ‌కుల విష‌యంలో ఇది నిరూప‌ణ అయ్యింద‌న్న టాక్ బ‌లంగా వినిపించింది. ప్ర‌స్తుతం ఆ ఇద్ద‌రికీ వెంట‌నే మ‌హేష్ తో ఆఫ‌ర్లు లేక‌పోవ‌డం వెన‌క ఆ రెండు కార‌ణాలు ప‌దే ప‌దే తెర‌పైకి వ‌స్తున్నాయి. ప్ర‌స్తుతం ప‌ర‌శురామ్ ప‌రిస్థితేంటి? మ‌హేష్ తో `సర్కార్ వారి పాట` తెర‌కెక్కిస్తున్న అత‌డు బ్లాక్ బ‌స్ట‌ర్ కొట్టి మ‌రో లెవ‌ల్ ని అందుకుంటాడా? అన్న‌ది వేచి చూడాలి.