అనిశ్చితిలో నెగ్గుకొస్తేనే నీవేంటో తెలుస్తుంది!

ఈ ఖ‌గోళం ఇలాంటి అనిశ్చితిలో ఉన్న‌ప్పుడు నువ్వేంటో నిరూపిస్తేనే నీ స‌త్తా ఎంతో తేల్తుంద‌ని అంటున్నారు ఇలియానా. ఒక ర‌కంగా ప్ర‌స్తుత మ‌హ‌మ్మారీ క్రైసిస్ గురించి నిర్లిప్తంగా ప్ర‌స్థావిస్తున్న‌ట్టే ఉంది త‌న వైఖ‌రి. అస‌లు నేటి ఈ స‌న్నివేశంలో భూగోళంపై ఏం జ‌రుగుతోందో అర్థం కాని గంద‌ర‌గోళం క‌నిపిస్తోంది.

నిజానికి తాను కెరీర్ ని కూడా ఇలాంటి అనిశ్చితిలోనే ఈదాన‌ని తెలిపారు ఇలియానా. అనిశ్చిత గోళం నన్ను బాగు చేసేందుకు ఉప‌యోగ‌ప‌డింద‌ని ఇలియానా తెలిపారు. అస‌లు ఏదైనా పాత్ర‌ను ఎంచుకుంటే దానిని ఎలా చేయాలి? అన్న‌దే తొలిగా ఆలోచిస్తాన‌ని ఆ త‌ర్వాత ఔట్ పుట్ దానంత‌ట అదే వస్తుంద‌ని కూడా ఇలియానా అన్నారు. నేను చేసిన వాటిలో చాలా చిత్రాలలో నేను దీన్ని ఎలా చేస్తానో న‌న్ను నేనే నిరంతరం ప్రశ్నిస్తాను. అదే నన్ను ముందుకు న‌డిపిస్తుంది. ఎందుకంటే నేను పూర్తిగా కాకి నమ్మకంలా గుడ్డిగా ఏదైనా చిత్రంలోకి అడుగుపెడితే నేను నిజంగా న్యాయం చేయలేను ఒక విధంగా ..`` అని అన్నారు.

ఇటీవ‌లే ఇలియానా న‌టించిన‌ `ది బిగ్ బుల్` ఓటీటీలో రిలీజై ఆద‌ర‌ణ ద‌క్కించుకుంది. ``నేను అనిశ్చితిని ఇష్టపడ‌తాను. నేను దీన్ని ఎలా చేయబోతున్నానో నిజంగా తెలియదు. అనిశ్చితమైన ఒక గోళంలోకి రావడం నాకు చాలా ఇష్టం. ఇది నిజంగా వింతగా అనిపిస్తుంది. కానీ ఇది మంచి పని చేయడానికి .. కష్టపడి పనిచేయడానికి నన్ను సిద్ధం చేస్తుంది`` అని తెలిపారు. త‌దుప‌రి ఇలియానా ర‌ణ‌దీప్ హుడా స‌ర‌స‌న ఓ చిత్రంలో న‌టిస్తున్నారు.