తెలుగు టీవీలో గోవా గాళ్ జిగేల్

బాలీవుడ్ హీరో అక్షయ్ కుమార్ నటించిన రుస్తోం ఆగస్ట్ 12న విడుదల కానుంది. ఈ మూవీ కోసం హైద్రాబాద్ లో కూడా యూనిట్ గట్టిగానే ప్రమోట్ చేస్తోంది. ఇప్పటికే హీరో అక్షయ్ కుమార్.. యాంకర్ ప్రదీప్ నిర్వహించే ఓ కార్యక్రమానికి వచ్చి సందడి చేశారు. ఇప్పుడు అదే కార్యక్రమానికి గోవా బ్యూటీ ఇలియానా కూడా రావడంతో.. చాలా ఏళ్ల తర్వాత కనిపించిన ఓ అరుదైన సన్నివేశం.

బాలీవుడ్ మూవీ రుస్తొం ప్రమోషన్ కోసం హైద్రాబాద్ లో కూడా ఇలియానా ప్రచారం చేస్తోంది. ఇక్కడకు ఎప్పుడొచ్చినా.. ఏదైనా ర్యాంప్ వాక్ చేయడానికో.. ఏదన్నా షోరూమ్ ఓపెనింగ్ కో తప్ప.. ఇలా వచ్చి తెలుగు టీవీలో కనిపించిన సందర్భం లేదు. 2012లో జులాయి ఆడియో ఫంక్షన్ కి కూడా కనిపించని ఈ భామ.. తర్వాత కొన్ని ఇంటర్వ్యూల్లో మాత్రం సందడి చేసిందంతే. చాలా ఏళ్ల తర్వాత తెలుగు ఛానల్ లో జిగేల్ అనడంతో.. ఈ నడుం సుందరిని చూసే అవకాశం తెలుగోళ్లకి చిక్కింది. వచ్చే ఆదివారం ఈ ఎపిసోడ్ టెలికాస్ట్ అవుతుందట.

ఇదే యాంకర్ నిర్వహించే సదరు కార్యక్రమంలో ఒకప్పుడు హీరోయిన్‌ ఛార్మీ ఇలియానాపై కౌంటర్ వేసింది. 'ఎప్పుడైనా ఇలియానా ని మేకప్ లేకుండా చూశారా? వామ్మో.. చూస్తే ప్లీజ్ క్యారీ యువర్ మేకప్ కిట్ అంటారు' అంటూ ఛార్మీ అనడంతో అందరూ షాకయ్యారు కూడా. ఇకపోతే ఇప్పుడు అదే ప్రోగ్రాంకు మినిమం మేకప్ తో వచ్చి.. ఛార్మికి కౌంటర్ వేసినట్లుంది ఇలియానా. అది సంగతి.