మాస్ రాజా కోసం ఇద్దరు సెట్ అయ్యారు

కెరీర్ లో సక్సెస్ రేట్ లో ఎన్ని తేడాలు వచ్చినా మాస్ మహారాజా స్పీడ్ మాత్రం అస్సలు తగ్గడం లేదు. మనోడి ఎనర్జీకి దర్శకులు ఫిదా అయిపోయి కథలను చాలా స్పీడ్ గా అల్లేస్తున్నారు. చివరగా టచ్ చేసి చూడు సినిమాతో వచ్చిన రవితేజ నెక్స్ట్ నేల టిక్కెట్టు సినిమాతో రాబోతున్న సంగతి తెలిసిందే. అయితే ఆ సినిమాపై ప్రస్తుతం పాజిటివ్ వైబ్రేషన్స్ ఉన్నాయి. తప్పకుండా హిట్ అవుతుందని మాస్ రాజా నమ్మకంగా ఉన్నాడు.

అయితే ఆ సినిమా తరువాత మాస్ రాజా శ్రీను వైట్లతో బిజీ కానున్న సంగతి తెలిసిందే. అమర్ అక్బర్ అంథోని అనే ఆ సినిమాలో రవితేజ మూడు విభిన్న పాత్రల్లో కనిపించనున్నాడు. అసలు మ్యాటర్ లోకి వస్తే ఆ సినిమాలో ఇంతకుముందే ఒక హీరోయిన్ గా అను ఇమ్మాన్యుయేల్ సెలెక్ట్ అయిన సంగతి తెలిసిందే. ఇక మరో ఇద్దరి హీరోయిన్స్ కోసం దర్శకుడు గత కొంత కాలంగా ఆడిషన్స్ చేసి ఫైనల్ గా సీనియర్ హీరోయిన్స్ నే తీసుకున్నట్లు తెలుస్తోంది.

ఇంతకుముందు రవితేజ తో చేసిన ఇలియానా - శృతి హాసన్ ను శ్రీను వైట్ల ఫైనల్ చేసినట్లు సమాచారం. వరుస అపజయాలతో ఉన్న శ్రీను వైట్ల ఈ సినిమాతో ఎలాగైనా హిట్ అందుకోవాలని చూస్తున్నాడు. అందుకోసం నిర్మాతలతో బడ్జెట్ కొంచెం గట్టిగానే పెట్టిస్తున్నట్లు తెలుస్తోంది. ఇక సక్సెస్ ఫుల్ బ్యానర్ మైత్రి మూవీ మేకర్స్ వారు ఈ ప్రాజెక్టును నిర్మిస్తున్న సంగతి తెలిసిందే. థమన్ సంగీతం అందించనున్నాడు.