30 ఏళ్ళని ఒప్పుకున్న ఇలియానా

2006లో నడుం సోయగం ఇలియానా తొలిసారిగా తెలుగు వెండితెరపై తన సోకులను ఆరబోసింది. ఆ సమయంలో ఎవ్వరూ ఆమె వయస్సెంతో చెప్పలేకపోయారు కాని.. చాలామంది మాత్రం ఆమెకు కేవలం 16 ఏళ్ళే అన్నట్లు ప్రచారం చేశారు. అయితే ఇలియానా కూడా అదే రేంజులో కలరింగ్ ఇచ్చిందిలే. ఇప్పుడే ఇంటర్మీడియట్ పూర్తయ్యింది అన్నట్టు చెప్పుకొచ్చింది.

ఆ లెక్కన చూసుకుంటే.. ఇప్పుడు 2016లో ఇలియానా వయస్సు కేవలం 26 సంవత్సరాలు అయ్యుండాలి. ఒక ప్రక్కన ఇలియానాను చూస్తే ఆ నడుం తప్పించి యావత్తుగా పూలతీగలా ఉంటుంది కాబట్టి.. నిజంగానే పాపకు 26 ఏమో అనుకుంటారు అందరూ. ఇకపోతే రేపు (నవంబర్ 1) ఇలియానా పుట్టినరోజు. ఈ సందర్భంగా ఇండోనేషియా దగ్గర్లోని బాలీ ఐల్యాండ్ లో తన ప్రియుడితో కలసి ఎంజాయ్ చేస్తోంది. ఇంకా 12 కావడానికి చాలా టైమ్ ఉంది కాబట్టి.. అమ్మడు.. తాను ట్యానింగ్ చేస్తున్నానని.. 30 ఏళ్ళ వయస్సు వస్తున్నందుకు ఆనందంగా ఉందని.. #turningthirty #cantwait అంటూ బీచ్ నుండి ఒక పోటో పోస్టింగ్ చేసింది.

సో.. ఇప్పుడు 30 ఏళ్ళు వస్తున్నాయి అంటే.. అమ్మడు 1987లో పుట్టినట్లు.. లేదు 30 పూర్తయ్యాయ్ అంటే 1986లో పుట్టినట్లు. ఇప్పటివరకు వికీపీడియా వంటి సైట్లలో ఉన్న డేటును నమ్మని హార్డుకోర్ అభిమానులకు ఇదే కనువిప్పు మరి. ఎనీవే.. అడ్వాన్స్ హ్యాపీ బర్తడే ఇలియానా!!

Like Us on Facebook : https://www.facebook.com/Tupakidotcom/