లైవ్ లో ఏడ్చేసిన ఇలియానా

సెలబ్రెటీలు ప్రతి విషయాన్ని ఈమద్య కాలంలో సోషల్‌ మీడియాలో షేర్‌ చేస్తూ ఉన్నారు. తమ సంతోషం.. బాధ మరియు దుఃఖం అన్నింటిని కూడా సోషల్‌ మీడియా ద్వారా వ్యక్తం చేస్తూ ఫీలింగ్స్ ను షేర్‌ చేసుకోవడం కామన్‌ అయ్యింది. కొందరు మరీ అతి చేస్తున్నారు అనిపిస్తుంది. తాజాగా ఇలియానా ఒక స్టోరీని పోస్ట్ చేసింది. ఆ స్టోరీలో ఇలియానా ఏడ్చేస్తూ ఉంది. తాను కిచెన్ లో వంట చేస్తున్న సమయంలో రెండు వేళ్లు కట్ అయ్యాయి.. దానికి బ్యాండేజ్ వేస్తున్న సమయంలో ఏడ్చేసినట్లుగా పేర్కొంది. కట్‌ అయ్యింది కాస్త అయినా కూడా ఇలియానా కాస్త ఎక్కువే ఏడ్చేసింది అంటూ నెటిజన్స్ కామెంట్స్ చేస్తుంటే మరి కొందరు మాత్రం అయ్యో పాపం అంటున్నారు.

సాదారణంగా కిచెన్‌ లోకి వెళ్లని ఇలియానా వంట చేసే ప్రయత్నంలో భాగంగా ఇలా వేలు కట్ చేసుకుంది. అప్పుడప్పుడు కిచెన్‌ లోకి వెళ్తే ఇలాగే అవుతుంది అంటూ కొందరు ఫన్నీగా ఇలియానాకు కామెంట్‌ పెడుతున్నారు. మొత్తానికి చిన్న గాయంతో ఇలియానా లైవ్ లోనే ఏడ్చేసింది. అది వీడియో తీసి స్టోరీగా పెట్టడం మరింత విడ్డూరంగా ఉంది. ఇక ఇలియానా సినిమాల విషయానికి వస్తే బాలీవుడ్‌ లో అడపా దడపా సినిమాలు చేస్తున్న ఈ అమ్మడు సౌత్‌ లో రీ ఎంట్రీ కోసం ప్రయత్నాలు చేస్తోంది. వెబ్‌ సిరీస్ ల్లో నటించేందుకు కూడా ఈ అమ్మడికి ఆఫర్లు వస్తున్నాయి. కాని ఈమె మాత్రం ఇంకా బాలీవుడ్‌ సినిమాలపైనే ఆశలు పెట్టుకుని ఎదురు చూస్తున్నట్లుగా అనిపిస్తుంది.

సౌత్ లో ఒక వెలుగు వెలిగిన ఈ అమ్మడు 2012 లో బాలీవుడ్‌ కు వెళ్లింది. అక్కడి మొదటి సినిమా మంచి విజయాన్ని సొంతం చేసుకున్న నేపథ్యంలో ఇక వరుసగా సినిమాలు చేస్తూ అక్కడే బిజీగా మారింది. ఆ సమయంలో సౌత్‌ నుండి ఆఫర్లు వచ్చినా కాదన్నదట. ఇప్పుడు మాత్రం సౌత్‌ లో ఆఫర్లు లేవు.. బాలీవుడ్‌ లో మంచి సినిమాలు చేసే అవకాశం రావడం లేదు. మొత్తానికి ఇలియానా కెరీర్‌ చివరి దశలో ఉన్నట్లుగా అనిపిస్తుంది. ఏదైనా అద్బుతం జరిగితే తప్ప మళ్లీ ఆమె బిజీ అయ్యే అవకాశాలు లేవు అంటున్నారు. సినిమాలు లేకున్నా కూడా ఇలియానా సోషల్‌ మీడియా తో రెగ్యులర్‌ గా అభిమానులకు చేరువగా ఉంటుంది.