చెర్రీకి ఇలియానా షాక్ ట్రీట్‌

స‌న్న‌జాజి సోయ‌గం ఇలియానా దాదాపు ఆరేళ్ల గ్యాప్ త‌ర్వాత తిరిగి టాలీవుడ్‌ లో పునఃప్ర‌వేశం చేసిన‌ సంగ‌తి తెలిసిందే. మాస్ మ‌హారాజా ర‌విత‌జ స‌ర‌స‌న `అమ‌ర్ అక్బ‌ర్ ఆంటోని` చిత్రంతో రీఎంట్రీ ఇచ్చింది. ఈ ప్ర‌య‌త్నం ఇలియానాకు ఆశించిన రిజ‌ల్ట్ ని ఇవ్వ‌లేదు. అయినా నిరాశ‌ప‌డ‌కుండా మ‌న ద‌ర్శ‌క‌ నిర్మాత‌ల వెంట ప‌డుతోంద‌ట‌. త‌న‌కు ఉన్న కాంటాక్ట్స్‌ ని ఉప‌యోగించి టాలీవుడ్‌ లో న‌టించేందుకు ఆస‌క్తిగా ఉన్నాన‌ని ఫీల‌ర్స్ వ‌దులుతోందట‌. అయినా మ‌నవాళ్లు ఎవ‌రూ ప‌ట్టించుకోవ‌డం లేద‌ని తెలుస్తోంది.

ఇలియానా పెద్ద స్టార్... కానీ ఇప్పుడు కాదు .. ఒక‌ప్పుడు. టాలీవుడ్‌ లో మునుప‌టి క్రేజు ఇపుడు త‌న‌కు లేదు. పైగా ఓ డిజాస్ట‌ర్ మూవీతో రీఎంట్రీ ఇవ్వ‌డం ఈ గోవా బ్యూటీకి పెద్ద మైన‌స్ అయ్యింది. అందుకే ప‌ప్పులు ఉడ‌క‌డం లేద‌ని తెలుస్తోంది. సీన్ ఇలా కాలిపోయినా అమ్మ‌డు మాత్రం చింత చ‌చ్చినా పులుపు చావ‌లేదు! అన్న చందంగా.. రెమ్యున‌రేష‌న్ లో ఏమాత్రం త‌గ్గ‌నంటోందిట‌. కావాల్సినంత అడిగేస్తూ.. ఏమాత్రం బెట్టు వీడ‌నంటోంద‌ని తెలుస్తోంది.

తాజా స‌మాచారం ప్ర‌కారం.. ఇలియానాకు చ‌ర‌ణ్ - బోయ‌పాటి సినిమా `విన‌య విధేయ రామ` లో ఐటెమ్ నంబ‌ర్‌ లో అవ‌కాశం ఇచ్చార‌ట‌. కానీ ఇలియానా ఏకంగా 60ల‌క్ష‌లు డిమాండ్ చేసింద‌ని తెలుస్తోంది. అంత పెద్ద మొత్తం డిమాండ్ చేయ‌డంతో నిర్మాత‌ దాన‌య్యకు క‌ళ్లు తిరిగాయ‌ట‌. బోయ‌పాటి నేరుగా రంగంలోకి దిగి త‌న‌ని క‌న్విన్స్ చేసే ప్ర‌య‌త్నం చేశాడ‌ని చెప్పుకుంటున్నారు. డిమాండ్ లేక‌పోయినా అంత పెద్ద మొత్తం అడిగింది అంటే ఫుల్ లెంగ్త్ మూవీలో క‌థానాయిక‌గా ఛాన్స్ కావాలంటే ఇంకెంత అడిగేస్తుందో అంటూ నిర్మాత‌లు బెంబేలెత్తార‌ట‌.