ఫ్యాన్స్ తో ప‌రాచికాలు ఆప‌వ‌మ్మా!

రెండు ద‌శాబ్ధాల కెరీర్ లో స్టార్ డ‌మ్ ప‌రంగా పీక్స్ చూసింది ఇలియానా. టాలీవుడ్ ఇచ్చిన గ్రేట్ ఛాన్స్ ఇది.. అందుకే త‌న‌కు తెలుగు ప‌రిశ్ర‌మ అంటే ఎంతో అభిమానం అని.. ప‌రిశ్ర‌మ‌ను విడిచిపెట్ట‌న‌ని ప‌దే ప‌దే చెబుతోంది. అయితే తానొక‌టి త‌ల‌స్తే దైవ‌మొక‌టి త‌ల‌చింది! అన్న చందంగా ఇలియానాకు ఇటీవ‌ల టాలీవుడ్ నుంచి అస్స‌లు ఆఫ‌ర్ అన్న‌దే లేదు. సెంటిమెంటు ప‌రిశ్ర‌మ‌లో ఇలియానాకు స‌రైన కంబ్యాక్ మూవీ ఏదీ త‌గ‌ల్లేదు.

బాలీవుడ్ లో ఫ్రెండు అజ‌య్ దేవ‌గ‌న్ నిర్మిస్తున్న ఒకే ఒక్క సినిమాలో న‌టిస్తోంది. అభిషేక్ బ‌చ్చ‌న్ స‌ర‌స‌న `బిగ్ బుల్` ప్ర‌స్తుతం సెట్స్ పై ఉంది. ఇది బ‌యోపిక్ కేట‌గిరీ మూవీ. ఇక ఇంత‌కుమించి బాలీవుడ్ లో వేరొక క్రేజీ ఆఫ‌ర్ లేనే లేదు. మ‌రోవైపు వ్య‌క్తిగ‌త జీవితం ప‌రంగానూ ఇలియానా పూర్తి డిస్ట్రిబ్డ్ గా ఉంది. ఆండ్రూ నీబోన్ నుంచి విడిపోయిన ఇలియానా ప్ర‌స్తుతం డిప్రెష‌న్ నుంచి బ‌య‌ట‌ప‌డేందుకు ప్ర‌య‌త్నిస్తోంది. ఆ క్ర‌మంలోనే అన్ని భాష‌ల్లోనూ కెరీర్ ప‌రంగా బీజీ అయిపోవాల‌ని చూస్తోంది. కానీ తెలుగులో ఆఫర్లు అయితే రావ‌డం లేదు.

ఇక ఖాళీ స‌మ‌యాన్ని సోష‌ల్ మీడియాకే కేటాయిస్తోంది. ఇంత‌కుముందు మీ అంద‌మైన కాళ్ల సొగ‌సును మాకు చూపించ‌వా? అని అడిగేసిన అభిమానుల‌కు `డిజిట‌ల్ లెగ్స్`(ఆర్టిఫిషియ‌ల్) ఫోటోని పోస్ట్ చేసి దానికి కొంటె వ్యాఖ్య‌ను జోడించింది. రియ‌ల్ లెగ్స్ చూపించాలంటే ఇల్లీ ఇలా కొంటె వేషం వేస్తుంద‌ని ఎవ‌రూ అనుకోలేదు. ఫ్యాన్స్ తో ఒక ర‌కంగా ప‌రాచికం ఆడింది. అలాగే త‌న‌ని ఒక క్రేజీ హీరోతో తిరిగి రీలాంచ్ చేయ‌బోతున్నారా? అంటూ అభిమానుల్లో క్వ‌శ్చ‌న్ మార్క్ ని రెయిజ్ చేసింది ఇల్లూ. కానీ ప్ర‌స్తుత స‌న్నివేశం అలా లేదు. అస‌లు టాలీవుడ్ లో ఇలియానాకు అవ‌కాశం వ‌చ్చే సీనే క‌నిపించ‌లేదు. చింత చ‌చ్చినా పులుపు చావ‌లేదు! అన్న చందంగా ఇల్లీ బిల్డ‌ప్ క‌నిపిస్తోంది.