స్టైలింగ్ సరే.. వయసు కనిపిస్తోంది కదా!

గోవా బ్యూటీ ఇలియానా పేరు తెలియని వారు తెలుగు ప్రేక్షకులలో ఎవరుంటారు చెప్పండి? పవన్ కళ్యాణ్.. మహేష్ బాబు లాంటి టాప్ స్టార్స్ సినిమాల్లో హీరోయిన్ గా నటించడమే కాకుండా ఎన్నో సూపర్ హిట్లు సాధించిన ఈ భామ ఇప్పుడు ఎక్కువగా బాలీవుడ్ పై ఫోకస్ చేస్తోంది. మధ్యలో 'అమర్ అక్బర్ అంటోని' తో టాలీవుడ్ రీ ఎంట్రీ ఇచ్చినా పెద్దగా ఉపయోగం లేకుండాపోయింది. దీంతో మళ్ళీ ముంబై ఫ్లైట్ ఎక్కేసింది.

ఇదిలా ఉంటే రీసెంట్ గా ఇలియానా లుక్స్ సోషల్ మీడియాలో చర్చనీయాంశం అవుతున్నాయి. సాధారణంగా ఈ గోవా బ్యూటీ పాలకోవాలాగా ఉంటుంది. నయాగరా జలపాతం లాంటి నడుము ఒంపులతో ఖజురహో శిల్పానికి మోడరన్ వెర్షన్ లా అనిపిస్తుంది. కానీ కొంత కాలం క్రితం కాస్త వెయిట్ పెరిగింది.. దీంతో అందరూ బొద్దుగా ఉందని మాట్లాడడం ప్రారంభించారు. కొందరయితే ఇంగ్లీష్ లో అదేదో బాడీ షేమింగ్ అంటారు చూడండి.. దానికి కూడా పాల్పడ్డారు. అయితే ఇల్లీ బేబీ కసరత్తులు చేసి మళ్ళీ తగ్గినట్టు అనిపించింది. తన ఆస్ట్రేలియన్ బాయ్ ఫ్రెండ్ ఆండ్రూ నీబోన్ (కొందరు భర్త అని కొందరు మెరుగైన ముంబై సమాజ వాసులు చెవులు కొరుక్కుంటున్నారు) ప్రొఫెషన్ ఫోటోగ్రాఫర్ కాబట్టి మంచి ఫోటోలు తీస్తున్నాడు. ఆ ఫోటోలను ఇల్లీ బేబీ తన సోషల్ మీడియా ఖాతాల్లో పోస్ట్ చేసి మెప్పిస్తోంది.

కానీ ఆ ఫోటోలు జాగ్రత్తగా తీసినవి కాబట్టి ఇల్లీ అందంగా కనిపిస్తోంది. కానీ ఈమధ్య ఇల్లీ బయట కనిపిస్తే ఎవరో ఒక ఫోటోగ్రాఫర్ క్లిక్కుమనిపించాడు. ఆ ఫోటో సోషల్ మీడియాలో వైరల్ అయింది. అయితే ఈ ఫోటోకు పాజిటివ్ కామెంట్స్ కంటే నెగెటివ్ కామెంట్స్ ఎక్కువ వచ్చాయి. అందరి కామన్ కంప్లయింట్ ఏంటంటే.. ఇల్లీ ఫేసులో వయసు కనిపిస్తోందట. ముప్పైలు దాటడం.. కెరీర్ సజావుగా సాగకపోవడం.. ఇలాంటి కారణాలు అన్నీ ఇల్లీ అందం మీద ప్రభావం చూపించాయేమో మరి. అయితే ఇల్లీ స్టైల్ మాత్రం అలాగే ఉంది. వైట్ కలర్ టీ షర్టు.. బ్లూజ్ జీన్స్.. పెద్దగా ఉన్న గాగుల్స్ తో గోవా భామ అనిపించిది. ఇలియానా ఫ్యూచర్ ప్రాజెక్టుల విషయానికి వస్తే 'పాగల్ పంటి' అనే హిందీ సినిమాలో నటిస్తోంది.