పూల్ సైడ్ నాటీ స‌ల‌స‌ల‌

పూల్‌ లో వాట‌ర్ స‌ల‌స‌ల కాగాలి. బికినీ దెబ్బ‌కు ఆవిరులు అవ్వాలి! ఇదీ ఇలియానా ఫార్ములా. గ‌త కొంత‌కాలంగా ఇలియానా తీరు ఇలానే ఉంది. ప్రియుడు ఆండ్రూ నీబోన్‌ తో క‌లిసి ఫిజీ దీవుల్లో విహ‌రించడం మొద‌లు, నాటి నుంచి విరివిగా వేడెక్కించే ఫోటోల్ని సామాజిక మాధ్య‌మాల్లో పోస్ట్ చేస్తోంది ఇలియానా. ఓవైపు ఇలియానా - మ‌రోవైపు ఆండ్రూ ఇద్ద‌రూ ఈ ఫోటోషూట్ పిచ్చితో వెబ్‌ ని వెర్రెక్కించేయ‌డం స‌ర్వ‌త్రా చ‌ర్చ‌కొచ్చింది.

నిన్న‌గాక మొన్న త‌న 31వ పుట్టిన‌రోజును ప్రియుడు ఆండ్రూతో క‌లిసి ఎంతో ఘ‌నంగా జ‌రుపుకుంది ఇలియానా. ఆ ఫోటోల్ని సామాజిక మాధ్య‌మాల్లో పోస్ట్ చేశారు ఈ జంట‌. తాజాగా మ‌రో వేడెక్కించే పూల్ సైడ్ ఫోటోని ఇలియానా అభిమానుల కోసం షేర్ చేసింది. స‌న్న‌జాజి సోయ‌గం ఇలియానా ఓ భారీ హోట‌ల్ ప‌రిస‌రాల్లోని స్విమ్మింగ్ పూల్‌ లో జ‌ల‌కాలాడుతూ క‌నిపించింది. ఈ ఫోటో ఖ‌రీదైన ఐఫోన్ ఎక్స్ ఎస్ క్వాలిటీతో తీసిన‌ది. ఝాము రేతిరి వేళ స్విమ్మింగ్ చేస్తున్న ఇలియానాని అంతే అందంగా ఈ ఫోటోలో ఎలివేట్ చేశాడు నీబోన్.

పూల్ సైడ్ స‌రిగంగ స్నానాలు స‌రే కానీ, ఇంత‌కీ ఇలియానా న‌టించే త‌దుప‌రి బాలీవుడ్ సినిమా ఏది? `అమ‌ర్ అక్బ‌ర్ ఆంటోని` త‌ర్వాత ఇంకో తెలుగు సినిమాకి సంత‌కం చేస్తుందా... లేదా? ఇవ‌న్నీ జ‌వాబు లేని ప్ర‌శ్న‌లుగా మిగిలిపోయాయి. మ‌రి వీటికి ఏఏఏ ప్ర‌మోష‌న్స్ లో క్లారిటీ ఇస్తుందేమో చూడాలి. `అమ‌ర్ అక్బ‌ర్ ఆంటోని` ఈనెల 16న రిలీజ‌వుతున్న సంగ‌తి తెలిసిందే.