ఇలియానా ఫొటోలు ఫేక్ కాదని నమ్ముతారా?

కొందరు హీరోయిన్లు సన్నబడితే బాగుండరు. కొందరు లావైతే చూడ్డానికి ఇబ్బందిగా అనిపిస్తుంది. గోవా బ్యూటీ ఇలియానా రెండో కోవకు చెందే అమ్మాయి. ఇలియానా అనగానే నాజూకు అందాలే గుర్తుకొస్తాయి. కెరీర్లో చాలా ఏళ్ల పాటు సన్నగానే ఉంటూ అభిమానుల్ని అలరించిందీ భామ. కానీ ఈ మధ్య ఇల్లీ బేబీలో అనూహ్యమైన మార్పులు కనిపించాయి. కెరీర్లో ఎన్నడూ లేని విధంగా ఆమె లావై కనిపించింది. అందులోనూ ఈ మధ్య బయటికి వచ్చిన ఇలియానా ఫొటోలు మరీ ఎబ్బెట్టుగా అనిపించాయి. పూర్తిగా షేపవుట్ అయిపోయినట్లుగా దర్శనమిచ్చింది ఇల్లీ. ఆమె ప్రెగ్నెంట్ అని.. అందుకే అలా అయిందని ఊహాగానాలు వచ్చాయి. అదే సమయంలో ఆ ఫొటోలు ఒరిజినల్ కాదని.. ఎవరో కావాలనే ఆమెను ఫ్యాట్‌ గా తయారు చేసి చూపించారని కూడా అన్నారు.

ఇలియానా ఒరిజినల్ గా ఎలా ఉందో అన్న సందేహాలు జనాల్ని వెంటాడుతుండగా.. ‘అమర్ అక్బర్ ఆంటోనీ’ టీజర్ రిలీజైంది. అందులో ఇలియానా లుక్ చూసి అందరూ షాకైపోయారు. చాలా లావుగా కనిపించిందామె. మొత్తం బాడీ మారిపోయింది. ముఖం సైతం ఉబ్బిపోయి కనిపించింది. మొత్తానికి ఈ మధ్య బయటికి వచ్చిన ఫొటోలేవీ ఫేక్ కాదని రుజువైంది. ఇంతకుముందు ఇలియానాలో ఉన్న ఆకర్షణ ఎంతమాత్రం ఇందులో కనిపించలేదు. ఆరేళ్ల తర్వాత ఇల్లీ బేబీ తెలుగులో నటిస్తోందని చాలా ఎగ్జైట్ అయిన అభిమానులు టీజర్ చూశాక నిట్టూరుస్తున్నారు. ‘అమర్ అక్బర్ ఆంటోనీ’కి ఇలియానా ఎస్సెట్ అవుతుందని అనుకుంటే.. కథ అడ్డం తిరిగి ఆమే పెద్ద మైనస్ అవుతుందేమో అన్న సందేహాలు కలుగుతున్నాయి. బాలీవుడ్లో ఆల్రెడీ ఇలియానా కెరీర్ దాదాపుగా క్లోజ్ అయిపోయిన నేపథ్యంలోనే ‘అమర్ అక్బర్ ఆంటోనీ’ ఒప్పుకున్నట్లుగా చెబుతున్నారు. కానీ ఈ లుక్‌ తో ఆమె ఇక్కడ ఇంకో అవకాశం దక్కించుకుంటుందా అన్నది మాత్రం డౌటే.