ఫోటో స్టోరీ: చాలా విభిన్నంగా ఇలియానా

టాలీవుడ్‌ లో ఒకప్పుడు స్టార్‌ హీరోయిన్‌ గా పేరు తెచ్చుకుని తెలుగులో మొదట కోటి రూపాయల పారితోషికం అందుకున్న హీరోయిన్‌ గా కూడా నిలిచింది. తెలుగు మరియు తమిళంలో స్టార్‌ హీరోలతో ఛాన్స్‌ లు వస్తున్న సమయంలోనే అనూహ్యంగా ఈ అమ్మడు బర్ఫీతో బాలీవుడ్‌ కు వెళ్లింది. మొదటి సినిమాతో హిందీలో మంచి గుర్తింపు దక్కించుకున్న ఇలియానా మూడు నాలుగు సంవత్సరాలు వరుసగా ఆఫర్లు దక్కించుకుంది. కాని ఆ తర్వాత ఆఫర్లు తగ్గుముఖం పట్టాయి. ఇటీవలే కొత్త జీవితాన్ని ప్రారంభించిన ఇలియానాకు అనుకోని అవకాశం అన్నట్లుగా టాలీవుడ్‌ నుండి శ్రీనువైట్ల - రవితేజల అమర్‌ అక్బర్‌ ఆంటోనీ చిత్రంలో నటించే అవకాశం దక్కింది.

భారీ అంచనాల నడుమ రూపొందుతున్న ఈ చిత్రంలో మొదట అను ఎమాన్యూల్‌ ను హీరోయిన్‌ గా తీసుకున్నారు. ఏవో కారణాల వల్ల సినిమా నుండి అనును తొలగించి ఇలియానాను ఎంపిక చేయడం జరిగింది. శ్రీనువైట్ల నిర్ణయం సరైనదే అంటూ తాజాగా విడుదలైన పోస్టర్‌ ను చూస్తే అనిపిస్తుంది. ఇలియానా గతంలో మాదిరిగా కాకుండా చాలా విభిన్నంగా కనిపిస్తోంది. కాస్త లావు అయినా కూడా అందంగా, కొత్తగా కనిపిస్తూ ఈ చిత్రంకు ప్రధాన ఆకర్షణగా నిలువబోతుందనిపిస్తుంది.

తాజాగా ఇలియానా బర్త్‌ డే సందర్బంగా ఈ పోస్టర్‌ ను విడుదల చేశారు. కొత్త హెయిర్‌ స్టైల్‌ తో చాలా కొత్త మేకోవర్‌ తో ఇలియానా ఈ పోస్టర్‌ లో కనిపిస్తోంది. తప్పకుండా ఇలియానా ఈ సినిమాకు ప్లస్‌ అవుతుందనే టాక్‌ వినిపిస్తుంది. రవితేజ, ఇలియానాలు కలిసి నటించిన ‘కిక్‌’ సూపర్‌ హిట్‌ అయ్యింది. ఇప్పుడు అదే సెంటిమెంట్‌ రిపీట్‌ అవుతుందా అనేది చూడాలి.

తాజాగా రిలీజ్‌ అయిన టీజర్‌ సినిమాపై ఆసక్తిని రేకెత్తిస్తుంది. రవితేజ మూడు పాత్రల్లో కనిపిస్తున్నాడా, మూడు గెటప్స్‌ లో కనిపిస్తున్నాడా అనే సస్పెన్స్‌ ప్రస్తుతం ఆసక్తికరంగా ఉంది. త్వరలో చిత్రాన్ని విడుదల చేసేందుకు ఏర్పాట్లు జరుగుతున్నాయి. ఈ చిత్రం సక్సెస్‌ రవితేజ - శ్రీనువైట్ల - ఇలియానాలకు చాలా కీలకం. ప్రస్తుతం వీరు ముగ్గురు కూడా కెరీర్‌ పరంగా విపత్కర పరిస్థితుల్లోనే ఉన్నారు.