అహంకారంతో లేను.. షాకిచ్చిన కింగ్ ఖాన్ ప్ర‌క‌ట‌న‌

కింగ్ ఖాన్ షారూక్ జీరో మూవీ డిజాస్ట‌ర్ అయ్యాక చాలా కాలం డైల‌మాలో కొన‌సాగిన సంగ‌తి తెలిసిందే. త‌దుప‌రి ఎలాంటి సినిమా చేయాలి? అన్న‌దానిపై అత‌డు తీవ్రంగా మ‌ద‌న‌ప‌డ్డాడు. అదే క్ర‌మంలో సౌత్ డైరెక్ట‌ర్ల‌తో కలిసి ప‌ని చేయాల‌ని నిర్ణ‌యించుకున్నాడు.

అప్ప‌టికే అంగీక‌రించిన భారీ యాక్ష‌న్ చిత్రం ప‌ఠాన్ 25 జనవరి 2023న గ్రాండ్‌గా విడుదల కానుంది. ఈ చిత్రంతో బాలీవుడ్ స్టార్ హీరో షారుఖ్ ఖాన్ ఘ‌న‌మైన‌ పునరాగమనం కోసం వేచి చూస్తున్నాడు. ఇటీవలే విడుదలైన టీజర్ కు అద్భుతమైన స్పందన లభించింది. భారీ యాక్ష‌న్ ఎంట‌ర్ టైన‌ర్ క‌థాంశంతో షారూక్ తిరిగి గ్రేట్ కంబ్యాక్ అవుతాడ‌ని.. అభిమానులు తమ అభిమాన హీరోని తిరిగి పెద్ద తెర‌పై చూసేందుకు ఉత్సాహంగా ఉన్నారు.

షారూక్ ఈ సినిమాతో పాటు వ‌రుస‌గా భారీ చిత్రాల్లో న‌టిస్తున్నాడు. త‌మిళ ద‌ర్శ‌కుడు అట్లీతో జ‌వాన్ లాంటి భారీ సినిమా చేస్తున్నాడు. ఇటీవల షార్జాలో జరిగిన పుస్తక ప్రదర్శనకు హాజరై షారూక్.. త‌న త‌దుప‌రి చిత్రాల గురించి కీలక వ్యాఖ్యలు చేశాడు. పఠాన్- జవాన్- డుంకీ సినిమాలు సూపర్ హిట్ కాబోతున్నాయని తన లైన‌ప్ చూపించి ఇలాంటి ప్రకటనతో అహంకారానికి గురికావడం లేదని అన్నారు. తన సినిమాలు బాగా ఆడుతాయ‌యనే నమ్మకంతో కష్టపడుతున్నానని అన్నారు.

తాను ఏం చేసినా న‌మ్మి చేస్తాన‌ని అన్నాడు. చేసే పనిపై తనకు నమ్మకం లేకపోతే చాలా మందికి నచ్చే గొప్ప సినిమాలు తీయలేనని స్పష్టం చేశాడు. షారుఖ్ కూడా తన బెస్ట్ ఇస్తున్నాన‌ని.. ఫ్లయింగ్ కలర్స్ తో ఉత్తీర్ణత సాధించబోతున్నాన‌ని చెప్పాడు. షారుఖ్ చెప్పిన ఈ మాటలు అభిమానులను ఆనందపరిచాయి.

ప‌ఠాన్- జ‌వాన్ భారీ యాక్ష‌న్ క‌థాంశాల‌తో రూపొందుతున్న మ‌సాలా సినిమాలు. ఇవి పాన్ ఇండియా కేట‌గిరీలో అన్ని భాష‌ల్లోను విడుద‌ల కానున్నాయి. ముఖ్యంగా కింగ్ ఖాన్ ద‌క్షిణాది మార్కెట్లో పాగా వేయాల‌ని బ‌లంగా ప్ర‌ణాళిక‌ల్ని రూపొందిస్తున్నాడు. బ్ర‌హ్మాస్త్ర విజ‌యం త‌ర్వాత త‌న‌వైన ఆలోచ‌న‌ల‌తో ఖాన్ ప్లాన్ ని ప‌క‌డ్భంధీగా అమ‌లు చేయాల‌ని త‌హ‌త‌హ‌లాడుతున్నాడు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.