అదరగొడుతున్న కబ్జా స్టైలిష్ లుక్

టాలీవుడ్ లో ఇతర ఇండస్ట్రీ హీరోల హవా కూడా మాములుగా ఉండదు. వాళ్లు కూడా విభిన్నమైన సినిమాలతో తెలుగులో మంచి ఫ్యాన్ బేస్ ని సంపాదించుకున్నారు. అందులో ఒకరు కన్నడ హీరో ఉపేంద్ర. ఇక దర్శకుడిగా తన సినీ జీవితం ప్రారంభించినప్పటికీ నటుడిగా, కథా రచయితగా, పాటల రచయితగా, సంగీత దర్శకుడిగా ఇలా అన్నింట్లో తన సత్తా చాటుతూ విభిన్నమైన సినిమాలతో ప్రత్యేక ఇమేజ్ సంపాదించారు ఉపేంద్ర. ఇటీవలే ఆర్. చంద్రు దర్శకత్వంలో ఉపేంద్ర హీరోగా రూపొందిన ఐ లవ్ యు మూవీ ఘనవిజయం సాధించిన విషయం తెలిసిందే.

అదే డైరెక్టర్ తో తాజాగా ఉపేంద్ర కబ్జ అనే భారీ బడ్జెట్ మూవీ చేస్తున్నాడు. సక్సెస్ ఫుల్ కాంబినేషన్లో రూపొందుతున్న కబ్జ మూవీ పై కూడా ప్రేక్షకులలో భారీ అంచనాలు ఉన్నాయి. పాన్ ఇండియా మూవీగా తెరకెక్కుతున్న 'కబ్జా'లో ఏడుగురు విల‌న్స్ ఉండేలా ప్లాన్ చేసుకుంటున్న‌ట్టు ఇటీవ‌ల వార్త‌లు వ‌చ్చాయి. అన్నీ ఇండస్ట్రీలలోని నానా పటేకర్‌, మనోజ్‌ బాజ్‌పాయ్‌, ప్రకాశ్‌రాజ్‌, జ‌గ‌ప‌తి బాబు, జ‌య‌ప్ర‌కాశ్ రెడ్డి, ప్ర‌దీప్ రావ‌త్‌, స‌ముద్ర‌ఖ‌ని లను విల‌న్స్‌గా ఎంపిక చేసుకున్న‌ట్టు స‌మాచారం. గ్యాంగ్‌స్టర్ బ్యాక్‌డ్రాప్‌లో ఈ సినిమా తెరకెక్కనుంది.

తాజాగా కబ్జా మూవీలోని ఉపేంద్ర లుక్ విడుదల చేశారు మేకర్స్. ఆ పోస్టర్ లో బైక్ పై ఉపేంద్ర లుక్ అభిమానులను విశేషంగా ఆకట్టుకుంటుంది. ఇటీవల గ్యాంగ్ స్టర్ నేపథ్యంలో యష్ హీరోగా వచ్చిన 'కేజీఎఫ్'పాన్ ఇండియా మూవీగా మంచిపేరు సంపాదించింది. అండర్ వరల్డ్ నేపథ్యంలో రూపొందనున్న మాస్ ఎంటర్టైనర్ కబ్జ మూవీ కూడా 7 భాషలలో రిలీజ్ కానుందట. మరి ఈ మూవీతో ఉపేంద్ర ఏం మాయ చేయనున్నాడో అని ఫ్యాన్స్ ఎంతగానో ఎదురు చూస్తున్నారు.