పాన్ ఇండియా స్టార్ పై క‌న్నేసిన క్రాక్ గాళ్‌

అందాల శ్రుతిహాస‌న్ కంబ్యాక్ గురించి తెలిసిందే. మైఖేల్ కోర్స‌లే తో ప్రేమాయ‌ణం నేప‌థ్యంలో నాలుగేళ్ల స‌మ‌యం వృథా అయ్యింది. అందుకే ఇప్పుడు మ‌రింత క‌సిగా ప‌ని చేస్తోంది. రీఎంట్రీలో మాస్ మ‌హారాజా ర‌వితేజ స‌ర‌స‌న క్రాక్ చిత్రంలో ఆఫ‌ర్ ద‌క్కించుకుంది.

శ్రుతి హాసన్ ఆటలోకి రీఎంట్రీ ఇచ్చాక‌ క్రాక్ తో పాటు దక్షిణాదిన‌ పలు సినిమాలు చేస్తున్నారు. క్రాక్ చిత్రీక‌ర‌ణ మరికొన్ని రోజుల్లో పూర్తి చేయడానికి సిద్ధంగా ఉంది. పైప్ లైన్ ‌లో ఓ రెండు హిందీ ప్రాజెక్టులు కూడా ఉన్నాయి. త‌మిళంలో విజ‌య్ సేతుప‌తి స‌ర‌స‌న న‌టిస్తోంది.

తాజా ఇంటర్వ్యూలో ప‌లు ఆస‌క్తిక‌ర విష‌యాల‌పై శ్రుతి స్పందించింది. టాలీవుడ్ లో ఎవరు చాలా సెక్సీ? అన్న ప్ర‌శ్న‌కు ఎక్కువగా ఆలోచించకుండా మిల్కీ వైట్ బ్యూటీ తమన్నా సెక్సీ హీరోయిన్ అంటూ చెప్పేసింది.

తాను ఇప్పటికి ఒంటరిగా ఉన్నానని గడ్డం ఉన్న మ‌గాళ్లను ప్రేమిస్తున్నానని శ్రుతి చెప్పింది. ఏ హీరోతో అయితే పారితోషికంతో ప‌ని లేకుండా న‌టిస్తావు? అన్న ప్ర‌శ్న‌కు.. ప్రభాస్ తో కలిసి పనిచేయాలని తాను కోరుకుంటున్నానని పారితోషికం త‌క్కువే అయినా త‌న‌తో న‌టిస్తాన‌ని వెల్లడించింది.