పుష్ప విషయంలో లెక్కలమాస్టర్ లెక్కలు వేరే ఉన్నాయిగా..!

టాలీవుడ్ స్టార్ డైరెక్టర్ సుకుమార్ రంగస్థలం లాంటి భారీ హిట్టు తర్వాత భారీ విరామం తీసుకొని ఎంతో ప్రతిష్టాత్మకంగా రూపొందిస్తున్న సినిమా పుష్ప. ఈ సినిమాతో అటు దర్శకుడుగా సుకుమార్.. ఇటు హీరోగా అల్లు అర్జున్ పాన్ ఇండియా ఫేమ్ అందుకోనున్నారు. ఈ సినిమా తెలుగుతో దేశవ్యాప్తంగా తమిళ, హిందీ, కన్నడ, మలయాళం భాషలలో విడుదల కాబోతుంది. అయితే ప్రస్తుతం శరవేగంగా షూటింగ్ జరుపుకుంటున్న ఈ సినిమా గురించి రోజుకో వార్త సోషల్ మీడియాలో హల్చల్ చేస్తోంది. ఇప్పటికే రిలీజ్ డేట్ ప్రకటించి ట్రీట్ ఇచ్చిన సుక్కు బృందం.. సన్నివేశాలను చాలా రియాలిస్టిక్ గా షూట్ చేస్తున్నాడట.

ఇటీవలే ఓ భారీ షెడ్యూల్ ముగించి విరామంలో ఉన్నారు పుష్ప టీమ్. అయితే తాజాగా ఈ సినిమా యాక్షన్ సీన్స్, భారీ ఫైట్ సీన్స్ అన్ని రియల్ అండ్ రస్టిక్ గా తెరకేక్కిస్తున్నట్లు పుష్ప స్టంట్ మాస్టర్ ఒకరు చెప్పినట్లు సమాచారం. అడవుల్లో ఎర్రచందనం స్మగ్లింగ్ నేపథ్యంలో తెరకెక్కుతున్న ఈ సినిమాలో అల్లు అర్జున్ లారీడ్రైవర్ పాత్రలో కనిపించనున్నాడు. సుకుమార్ బన్నీ కాంబినేషన్ లో రూపుదిద్దుకుంటున్న హ్యాట్రిక్ సినిమా ఇది. యంగ్ సెన్సేషన్ రష్మిక మందన హీరోయిన్ గా నటిస్తున్న ఈ సినిమాను మైత్రి మూవీ మేకర్స్ వారు భారీ బడ్జెట్ తో నిర్మిస్తున్నారు. ఈ సినిమా ఆగష్టు 13న ప్రేక్షకుల ముందుకు రాబోతుంది. ఈ సినిమా పై బన్నీ ఫ్యాన్స్ భారీ ఆశలు పెట్టుకున్నారు. దేవిశ్రీ ప్రసాద్ సంగీతం అందిస్తున్నాడు.