సూపర్ స్టార్ రజనీకాంత్ బ‌స్ కండ‌క్ట‌ర్ గా ఉన్న రోజుల్లో!

సూపర్ స్టార్ రజనీకాంత్ స్టార్ గా అదృష్టం ప‌రీక్షించుకునే ముందు బెంగళూరు ట్రాన్స్ పోర్ట్ సర్వీస్ (బిటిఎస్) లో బస్సు కండక్టర్ గా ఉద్యోగం చేసేవాడు. సూపర్ స్టార్ జీవితంలో ఆ ప్రారంభ రోజుల‌ను ఎప్ప‌టికీ మ‌రువ‌రు. అతను శివాజీ రావు గైక్వాడ్ గా ఉన్నప్పుడు ఎలా ఉండేవారు? అంటే ఇవిగో ఈ ఫోటోలే ప్రూఫ్.

బస్ కండక్టర్‌గా పనిచేసిన కొద్దికాలానికే 1970ల ప్రారంభంలో మద్రాస్ ఫిల్మ్ ఇనిస్టిట్యూట్ ‌లో యాక్టింగ్ కోర్సులో చేరిన ర‌జనీకాంత్ నటనా నైపుణ్యం ప్రముఖ దర్శకుడు కె. బాలచందర్ దృష్టిని ఆకర్షించింది. బాలచందర్ చిత్రాలలో సహాయక పాత్రల్లో నటించినప్పటికీ ర‌జ‌నీ తనదైన‌ ప్రత్యేకమైన శైలి .. స్టైల్స్ కి భారీ గుర్తింపు పొందాడు.

అతను నటుడిగా ఎదగడానికి ముందు తన బస్సు ప్రయాణీకులను కూడా ఆకట్టుకునేందుకు మ్యాజిక్ చేసేవాడు. రజిని డ్యూటీలో ఉన్న బస్సు కోసం వేచి చూస్తూ ఖాళీ బస్సులను దాటవేసేవారంటే అర్థం చేసుకోవ‌చ్చు. డ్రైవర్-కండక్టర్ జత స‌రిగ్గానే కుదిరింది అప్ప‌ట్లో. ఉదయం 6 గంటలకు ప్రారంభమై మధ్యాహ్నం 2 గంటలకు తొలి షిఫ్ట్ ముగిసేది అని `రజనీకాంత్: ది డెఫినిటివ్ బయోగ్రఫీ` పుస్తకంలో వెల్ల‌డించారు. టిక్కెట్లు కొట్ట‌డంలో ర‌జ‌నీ కంటే వేగం ఎవ‌రికీ సాధ్యం కాదు. టికెటింగ్ లోనూ ఇస్ట‌యిల్...దానిని ప్రయాణీకులు ఆశ్చర్యంతో చూసేవారు. ఆ రోజుల్లో అతను ఎప్పుడూ తన ఫంక్ ను వెనక్కి తిప్పేవాడు. అందుకే అతని బ‌ట్ట‌త‌ల క‌నిపించేది. శివాజీకి ఖచ్చితంగా ప్రేక్షకులను ఎలా ఎంట‌ర్ టైన్ప చేయాలో తెలుసు అని రజనీకాంత్ తో కలిసి పనిచేసే డ్రైవర్ వెల్ల‌డించారు.

ఇక హీరోగా అంచెలంచెలుగా ఎదిగి సూపర్ స్టార్ నాలుగు దశాబ్దాలుగా వినోద పరిశ్రమలో విజయవంతమైన కెరీర్ జ‌ర్నీ చేశారు. సన్ పిక్చర్స్ బ్యానర్ లో కలానిది మారన్ నిర్మించిన అన్నాథే ఆయన న‌టిస్తున్న తాజా చిత్రం. ద‌రువు శివ దర్శకత్వం వహించనున్నారు. ఖుష్బు- నయనతార- మీనా- కీర్తి సురేష్- ప్రకాష్ రాజ్- సూరి త‌దిత‌రులు ఈ గ్రామీణ ఆధారిత ఫ్యామిలీ ఎంటర్ టైనర్లో భాగం కానున్నారు.