'విక్ర‌మ్' యాక్ష‌న్ మేకింగ్ పీక్స్ లో!

విశ్వ‌న‌టుడు క‌మ‌ల్ హాస‌న్ క‌థానాయ‌కుడిగా లోకేష్ క‌న‌గ‌రాజ్ ద‌ర్శ‌క‌త్వంలో భారీ యాక్ష‌న్ ఎంట‌ర్ టైన్ 'విక్ర‌మ్' తెర‌కెక్కుతోన్న సంగ‌తి తెలిసిందే. 'ఖైదీ'..'మాస్ట‌ర్' చిత్రాల‌తో బ్యాక్ టూ బ్యాక్ స‌క్సెస్ లు అందుకున్న లోకేష్ క‌న‌గ‌రాజ్ ప్ర‌తిభ‌ను మెచ్చి ఇచ్చిన అవ‌కాశం ఇది. స్ర్కిప్ట్ ద‌శ‌లోనే క‌మ‌ల్ ని మొప్పించి ప్ర‌శంస‌లందుకున్నాడు. దీంతో యాక్ష‌న్ థ్రిల్ల‌ర్ ప్ర‌క‌ట‌న ద‌గ్గ‌ర నుంచి అంచనాలు మొద‌ల‌య్యాయి. ఇటీవ‌లే క‌మ‌ల్ పుట్టిన రోజు సంద‌ర్భంగా రిలీజ్ చేసిన ఫ‌స్ట్ గ్లాన్స్ కి ప్రేక్ష‌కుల నుంచి అద్భుత‌మైన రెస్పా్స్ వ‌చ్చింది. ఆ రెస్పాన్స్ తో సినిమాపై అంచ‌నాలు అంత‌కంత‌కు పెరిగిపోతున్నాయి. ఇటీవ‌లే సినిమా చిత్రీక‌ర‌ణ కూడా పూర్తిచేసుకుంది. ప్ర‌స్తుతం పోస్ట్ ప్రొడ‌క్ష‌న్ ప‌నులు జ‌రుగుతున్నాయి.

తాజాగా సినిమా రిలీజ్ తేదీని ప్ర‌క‌టిస్తూ మేకింగ్ వీడియోని..కొత్త పోస్ట‌ర్ల‌ని అభిమానుల‌కు షేర్ చేసారు. జూన్ 3న ప్ర‌పంచ వ్యాప్తంగా రిలీజ్ చేస్తున్న‌ట్లు ప్ర‌క‌టించారు. మా "విక్రమ్" జూన్ 3- 2022న ప్రపంచవ్యాప్తంగా థియేటర్లలో విడుదల అవుతుందని ఊపిరి పీల్చుకుని ఎదురుచూస్తున్నాను. #VikramFromJune3" అని కమల్ హాసన్ ప్రకటించారు. అలాగే కమల్ హాసన్.. విజయ్ సేతుపతి .. ఫహద్ ఫాసిల్ త్రయాన్ని శక్తివంతమైన పాత్రలలో చూపించే మేకింగ్ గ్లింప్‌ను కూడా క‌మ‌ల్ ఆవిష్కరించారు. అనిరుధ్ రవిచందర్ తన బిజిఎమ్‌తో వీడియోకి థ్రిల్ ఫీల్‌ని అందించారు.

మేకింగ్ వీడియోలో యాక్ష‌న్ స‌న్నివేశాల్ని స్పెష‌ల్ ఫోకసింగ్ తో చూపించారు. బిగ్గెస్ట్ యాక్ష‌న్ ఎంట‌ర్ టైన‌ర్ ని హైలైట్ చేసారు. లోకేష‌న్ క‌న‌గ‌రాజ్ మార్క్ మేకింగ్ స్ప‌ష్టంగా హైలైట్ అవుతుంది. యాక్ష‌న్ సీక్వెన్స్ కోసం వాడిని ఆయుధాల్ని రివీల్ చేసారు. సినిమాలో బెస్ట్ యాక్ట‌ర్స్ అంతా భాగ‌మ‌వ్వ‌డంతో యాక్ష‌న్ పీక్స్ లో ఉంటుంద‌ని అంచ‌నాలు ఆకాశాన్నంటుటుతున్నాయి.

ఇందులో ప్ర‌ధాన విల‌న్ గా విజ‌య్ సేతుప‌తి న‌టించ‌డం సినిమాకి మ‌రో హైలైట్. మ‌రో కీల‌క పాత్ర‌లో మ‌ల‌యాళ న‌టుడు ప‌హ‌ద్ పజిల్ న‌టిస్తున్నారు. ఇలా సినిమాలో బెస్ట్ పెర్పార్మ‌ర్లు అంతా భాగం కావ‌డం తో 'విక్ర‌మ్' పై అసాధార‌ణ‌మైన అంచ‌నాలు నెల‌కొంటున్నాయి. ఇంకా కాళీదాస్ జ‌య‌రాం..న‌రైన్..అర్జున్ దాస్..శివానీ నారాయ‌ణ్ త‌దిత‌రులు స‌పోర్టింగ్ పాత్ర‌ల్లో క నిపించ‌నున్నారు. ఇక 'విక్ర‌మ్' లో కమల్ హాసన్ ప్రధాన పాత్రలో నటించడమే కాకుండా.. రాజ్ కమల్ ఫిల్మ్స్ ఇంటర్నేషనల్ బ్యానర్‌పై ఆర్ మహేంద్రన్‌తో కలిసి చిత్ర నిర్మాణంలో భాగ‌మ‌య్యారు.

అభిమానుల అంచ‌నాలకు ఏ మాత్రం త‌గ్గ‌కుండా ఉంటుంద‌ని లోకేష్ చెప్ప‌క‌నే చెప్పారు. ఆయ‌న గ‌త సినిమా 'ఖైదీ' మాస్ స‌స్సెన్స్ యాక్ష‌న్ థ్రిల్ల‌ర్ కోలీవుడ్ తో పాటు టాలీవుడ్ లోనూ పెద్ద స‌క్సెస్ అయింది. ఆ సినిమాతో లోకేష్ కి సౌత్ లో మంచి పేరొచ్చింది.

ఆ త‌ర్వాత విజ‌య్ 'మాస్ట‌ర్' సినిమాతో అవకాశం ఇచ్చారు. అటుపై క‌మ‌ల్ హ‌స‌న్ అందే పంథాలో ఛాన్స్ ఇచ్చారు. ఈ సినిమా హిట్టైతే లోకేష్ క‌న‌గ‌రాజ్ పేరు పాన్ ఇండియాలో మారు మ్రోగిపోతుంది అన‌డంలో ఎలాంటి సందేహం లేదు.