ఈసారి పోటు డెడ్లియ‌ర్ గా ఉంటుంది!

భార‌తీయుడు 2 ప్ర‌స్తుతం హాట్ టాపిక్. శంక‌ర్ - క‌మ‌ల్ హాస‌న్ క‌ల‌యిక‌లో తెర‌కెక్క‌నున్న ఈ సినిమా ఆరంభం నుంచే వేడెక్కిస్తోంది. 2.0 చిత్రంతో విజ‌యం అందుకున్న శంక‌ర్ రెట్టించిన ఉత్సాహంతో ఈ చిత్రాన్ని తెర‌కెక్కిస్తున్నారు. ఈనెల 18 నుంచి రెగ్యుల‌ర్ చిత్రీక‌ర‌ణ‌కు రెడీ అవుతోంది టీమ్. రామోజీ ఫిలింసిటీ స‌హా ఇండియా, థాయ్ ల్యాండ్ ప‌రిస‌రాల్లోని అరుదైన లొకేష‌న్ల‌లో ఈ చిత్రాన్ని తెర‌కెక్కించ‌నున్నారు.

ఈసారి రాజ‌కీయ అవినీతిపై శంక‌ర్ పూర్తి స్థాయిలో దృష్టి సారించి ఈ చిత్రాన్ని తెర‌కెక్కిస్తున్నార‌ని తెలుస్తోంది. ఇప్ప‌టికే ప్రీలుక్ ని రిలీజ్ చేస్తే అద్భుత‌మైన స్పంద‌న వ‌చ్చింది. సేనా ప‌తి క‌ళ‌రియ‌ప‌ట్టు, క‌త్తి పోటు విద్య‌ల‌కు సంబంధించిన పోస్ట‌ర్ ఆక‌ట్టుకుంది. ఈ శుక్ర‌వారం షూటింగ్ సంద‌ర్భంగా ఆ విష‌యాన్ని తెలియ‌జేస్తూ ఓ కొత్త పోస్ట‌ర్ ని రిలీజ్ చేశారు.

ఈ పోస్ట‌ర్ లో భార‌తీయుడి ఓల్డ్ గెట‌ప్ అదిరిపోయిందంటే అతిశ‌యోక్తి కాదు. అవినీతి ప‌రుల గుండెల్ని చీల్చేందుకు రెడీ అవుతూ వార్నింగ్ ఇస్తున్న‌ట్టే క‌నిపిస్తోంది క‌మ‌ల్ ఆహార్యం. ఓల్డ‌ర్.. వైజ‌ర్.. డెడ్లియ‌ర్! అంటూ అదిరిపోయే క్యాప్ష‌న్ ఇచ్చారు. ఆ చొక్కాపై భార‌త‌దేశ‌పు మువ్వన్నెల జెండా రెప‌రెప‌ల‌కు సంబంధించిన బ్యాజ్‌ని పెట్టుకుని భార‌తీయుడు ఇస్తున్న వార్నింగ్ సూటిగా డేంజ‌ర్ బెల్ ని మోగిస్తోంది. పోస్ట‌ర్.. ఫోటోషూట్ తోనే అద‌ర‌గొట్టాడు. ఇద్ద‌రు పెర్ఫెక్ష‌నిస్టుల క‌ల‌యిక‌లో వ‌స్తున్న అరుదైన చిత్ర‌మిద‌ని చెప్పొచ్చు.ఈసారి మ‌ర్మ‌క‌ళ‌తో కూడుకున్న పోటు డెడ్లియ‌ర్ గా ఉంటుంద‌ని అర్థ‌మ‌వుతోంది. శంక‌ర్ 2.0 చిత్రం ఈ గురువారంతో 50 రోజులు పూర్తి చేసుకున్న సంగ‌తి విధిత‌మే.