షాకింగ్‌: చిక్కుల్లో భార‌తీయుడు 2 కొత్త షెడ్యూల్?

భార‌తీయుడు 2 (ఇండియ‌న్ 2) ఆరంభం నుంచి మేక‌ర్స్ ర‌క‌ర‌కాల ఇబ్బందుల్ని ఎదుర్కొంటున్న సంగ‌తి తెలిసిందే. బ‌హుశా సినిమా హిస్ట‌రీలోనే ఈ మూవీ నిర్మాత‌ లైకా సుభాష్క‌ర‌ణ్ కు ఎదురైన‌న్ని చిక్కులు వేరొకరికి ఎదురు కాలేదేమో..! గత ఏడాది ఫిబ్రవరి నుండి సినిమా చిత్రీక‌ర‌ణ కోర్టు వివాదాల‌తో నిలిచిపోయింది. ఆ తర్వాత ఈ సంవత్సరం డిసెంబర్ నుండి తిరిగి ప్రారంభించేందుకు అన్ని విధాలా లైన్ క్లియ‌ర్ అవుతోంది. అయితే ఇంత‌లోనే మ‌రో చిక్కుముడి వీడ‌ని ప‌రిస్థితి ఎదురైంది.

ఇండియన్ 2 మేకర్స్ కి ఇప్పుడు కాజల్ అగర్వాల్ రూపంలో కొత్త ఇబ్బందులు ఎదురయ్యాయి. త‌దుప‌రి షెడ్యూల్ లో పాల్గొనాల్సిన కాజ‌ల్ ప్రస్తుతం గర్భవతి. దీంతో ఈ ప‌రిస్థితిలో షూటింగు లో పాల్గొనలేకపోవచ్చని ఊహాగానాలు సాగుతున్నాయి. మరి కాజల్ వచ్చే వరకు చిత్ర యూనిట్ వేచి చూస్తుందా లేక షూటింగ్ వాయిదా వేస్తుందా అనేది వేచి చూడాలి. మ‌రోవైపు కాజ‌ల్ స్థానంలో వేరొక‌రిని తీసుకునే ఛాయిస్ ఉండ‌క‌పోవ‌చ్చ‌ని కూడా క‌థ‌నాలు రావ‌డం విశేషం.

లైకా ప్రొడక్షన్స్ కి శంక‌ర్ కి మధ్య కమల్ విజయవంతంగా మధ్యవర్తిత్వం వహించి విభేదాలను పరిష్కరించినట్లు చెబుతుండ‌గా.. మ‌రోవైపు కోర్టులోనూ లైకాకు అనుకూలంగా తీర్పు వెలువ‌డ‌డంతో శంక‌ర్ త‌ప్ప‌నిస‌రి ప‌రిస్థితిలో ఆర్.సి 15ని వాయిదా వేసుకుని ఇప్పుడు ఇటువైపు ఆలోచిస్తున్నారు. భార‌తీయుడు 2 చిత్రీక‌ర‌ణ ఇంకా వంద రోజులు పైగా మిగిలి ఉంది. అప్ప‌టివ‌ర‌కూ చ‌ర‌ణ్ వేచి చూడాల్సిన ప‌రిస్థితి ఉంటుంది. కానీ ఇంతలోనే కాజ‌ల్ తో వ‌చ్చిన చిక్కును కూడా శంక‌ర్ ఇబ్బందిక‌రంగా ప‌రిగ‌ణిస్తున్నారు.

సిద్ధార్థ్- రకుల్ ప్రీత్ సింగ్ - ప్రియా భవానీ శంకర్ త‌దిత‌రులు ఈ చిత్రంలో కీలక పాత్రల్లో నటిస్తున్నారు. భారతీయుడు 2కి అనిరుధ్ రవిచందర్ సంగీతం అందించారు.