31 రోజుల్లో 'అమీ తుమీ' తేల్చుకున్నాడు

ఇంద్రగంటి మోహన్ కృష్ణ.. టాలీవుడ్ లో ఈయన ఓ సెన్సేషనల్ డైరెక్టర్. అష్టాచెమ్మాతో మొదలుపెట్టి విభిన్నమైన చిత్రాలను.. సక్సెస్ ఫుల్ మూవీస్ ను అందించిన ఈయన.. మధ్యలో కాస్త వెనకబడ్డాడు. గతేడాది నానితో తీసిన జెంటిల్మన్ మూవీ సక్సెస్ తో బౌన్స్ బ్యాక్ అయిన ఇంద్రగంటి.. ఇప్పుడు కొత్త సినిమా షూటింగ్ పూర్తి చేసేశాడు కూడా.

'అమీ తుమీ' అనే టైటిల్ పై కొత్త సినిమాను రూపొందిస్తున్న ఇంద్రగంటి.. ఈ చిత్ర షూటింగ్ ను కేవలం 31 రోజుల్లోనే పూర్తి చేసేయడం విశేషం. అడవి శేష్.. అవసరాల శ్రీనివాస్ ఈ చిత్రంలో హీరోలుగా నటించగా.. ఈషా రబ్బా.. అదితి మ్యాకల్ లు హీరోయిన్లుగా యాక్ట్ చేశారు. వెన్నెల కిషోర్ ప్రధాన పాత్రలో నటించిన ఈ చిత్రం. కేవలం 31 రోజుల్లోనే షూటింగ్ పూర్తి చేసి తన సత్తా చూపించిన ఇంద్రగంటి.. ప్రస్తుతం పోస్ట్ ప్రొడక్షన్ పనులు మొదలుపెట్టేయడం విశేషం. వీటిని 13 రోజుల్లో పూర్తయ్యేలా ప్లాన్ చేశారట.

నిజానికి జెంటిల్ మ్యాన్ సక్సెస్ తర్వాత.. నాగ చైతన్యతో ఓ సినిమా చేయాలని భావించాడు ఈ దర్శకుడు. అయితే.. ప్రాజెక్ట్ ఫైనల్ కాకపోవడంతో.. ఈ మల్టీస్టారర్ ను కామెడీ ఎంటర్టెయినర్ గా రూపొందిస్తున్నాడు ఇంద్రగంటి. మరోసారి ఈ దర్శకుడితో మ్యూజిక్ డైరెక్టర్ మణిశర్మ కలిసి పని చేస్తుండడం విశేషం. 'అమీ తుమీ'కి త్వరలో రిలీజ్ డేట్ అనౌన్స్ చేయనున్నట్లు తెలుస్తోంది.

Like Us on Facebook : https://www.facebook.com/Tupakidotcom/