గ్యారేజ్ కు అడ్డుపడ్డానికి ఇద్దరు రెడీ

ఇప్పుడు టాలీవుడ్ లో నడుస్తున్నదంతా ఎన్టీఆర్ హంగామానే. మరో రెండు రోజుల్లో థియేటర్లలోకి జనతా గ్యారేజ్ లోకి వచ్చేస్తోంది. నందమూరి ఫ్యాన్స్ మాత్రమే కాదు.. టాలీవుడ్ ఆడియన్స్ అంతా.. ఈ సారి ఎన్టీఆర్ బ్రహ్మాండం బద్దలు కొట్టేస్తాడని వెయిట్ చేస్తున్నారు. కొరటాల కాంబినేషన్ లో జూనియర్ సృష్టించబోయే రికార్డుల కోసం వెయిట్ చేస్తున్నారు. అందుకే.. ముందు వెనకా ఎవరూ భారీ రిలీజ్ లు ఏవీ ప్లాన్ చేసుకోలేదు.

కానీ జూనియర్ ఎన్టీఆర్ జనతా గ్యారేజ్ సెప్టెంబర్ 1న వస్తున్నా.. సెప్టెంబర్ 8న విక్రమ్ మూవీ రిలీజ్ అవుతోంది. రెండు భాషల్లో విడుదలయ్యే మూవీ కావడంతో.. సేమ్ డేట్ రిలీజ్ తప్పదు. తెలుగులో ఇంకొక్కడుగా వస్తున్న ఈ సినిమాపై అంచనాలు బాగా ఎక్కువగా ఉన్నాయి. చియాన్ విక్రమ్ బౌన్స్ బ్యాక్ అవుతాడని కోలీవుడ్ కూడా ఎక్స్ పెక్ట్ చేస్తోంది. దీంతో పాటు ఓ తెలుగు సినిమా కూడా జనతా గ్యారేజ్ కి భయపడ్డం లేదు. అదే శ్రీనివాస్ అవసరాల దర్శకత్వంలో తెరకెక్కిన జ్యో అచ్యుతానంద.

సెప్టెంబర్ 9న జ్యో అచ్యుతానంద రిలీజ్ ఖాయమైంది. నారా రోహిత్ మూవీ కావడం.. రెజీనా అందాలు.. నాగశౌర్య ట్యాలెంట్.. అన్నిటికీ మించి అవసరాల డైరెక్షన్.. హైప్ బాగానే ఉంది. కానీ జ్యో అచ్యుతానందకు ఎన్టీఆర్ సినిమాని జో కొట్టేంత సీన్ ఉందా అన్నదే అసలు పాయింట్. జనతా గ్యారేజ్ కి బ్లాక్ బస్టర్ టాక్ వస్తే మాత్రం.. ఇవేవీ ఆపలేవు లెండి. ఒకవేళ యావరేజ్ టాక్ వస్తే మాత్రం.. అడ్డుపడ్డానికి ఈ రెండు సినిమాలూ రెడీ.