ఎన్టీఆర్ - కొర‌టాల మూవీపై ఇంట్రెస్టింగ్ డిటైల్స్‌!

పాన్ ఇండియా చిత్రాల డైరెక్ట‌ర్ రాజ‌మౌళి అత్యంత భారీ స్థాయిలో తెర‌కెక్కించిన విజువ‌ల్ వండ‌ర్ 'RRR'. ఈ మూవీతో రామ్ చ‌ర‌ణ్ తో పాటు యంగ్ టైగ‌ర్ ఎన్టీఆర్ పాన్ ఇండియా వైడ్ గా భారీ క్రేజ్ ని సొంతం చేసుకున్న విష‌యం తెలిసిందే.

హీరోలుగా త‌మ మార్కెట్ స్థాయిని కూడా ఈ మూవీతో భారీ స్థాయిలో సొంతం చేసుకున్నారు. ఆ క్రేజ్ కి త‌గ్గ‌ట్టే త‌మ త‌దుప‌రి ప్రాజెక్ట్ ల‌ని ప్లాన్ చేసుకుంటున్నవిష‌యం తెలిసిందే. ఇప్ప‌టికే రామ్ చ‌ర‌ణ్ దిగ్రేట్ డైరెక్ట‌ర్ శంక‌ర్ తో త‌న 15వ ప్రాజెక్ట్ ని ప్రారంభించేశాడు.

రీసెంట్ గా 16వ ప్రాజెక్ట్ ని కూడా 'ఉప్పెన‌' ఫేమ్ బుచ్చిబాబు సాన‌తో చేయ‌బోతున్నాన‌ని ప్ర‌క‌టించిన విష‌యం తెలిసిందే. ఇదిలా వుంటు యంగ్ టైగ‌ర్ ఎన్టీఆర్ మాత్రం త‌న 30వ ప్రాజెక్ట్ ని స్టార్ డైరెక్ట‌ర్ కొర‌టాల శివ‌తో చేయ‌బోతున్న‌ట్టుగా ప్ర‌క‌టించారు. ఇది పాన్ ఇండియా ప్రాజెక్ట్ అని క్లారిటీ కూడా ఇచ్చారు. కానీ అది ఇంత వ‌ర‌కు ప‌ట్టాలెక్క‌డం లేదు.

ఎన్టీఆర్ ఆర్ట్స్ నంద‌మూరి క‌ల్యాణ్ రామ్ స‌మ‌ర్ప‌ణ‌లో ఈ మూవీని సుధాక‌ర్ మిక్కినేని యువ సుధా ఆర్ట్స్ బ్యాన‌ర్ పై నిర్మించ‌బోతున్నారు. ప్ర‌స్తుతం ఈ మూవీకి సంబంధించిన ప్రీ ప్రొడ‌క్ష‌న్ వ‌ర్క్ జ‌రుగుతోంది. అయితే ఈ మూవీ ఎప్పుడు సెట్స్ పైకి వెళుతుంద‌నే దానిపై ఇంత వ‌ర‌కు ఎన్టీఆర్ అభిమానుల‌కు ఎలాంటి క్లారిటీ రాంవ‌డం లేదు. మేక‌ర్స్ కూడా ఈ ప్రాజెక్ట్ ని ప్ర‌క‌టించి నెల‌లు గ‌డుస్తున్నా ఇంత వ‌ర‌కు ఈ మూవీ రెగ్యుల‌ర్ షూటింగ్ ని ఎప్పుడు ప్రారంభించేది చెప్ప‌డం లేదు. ఎలాంటి అప్ డేట్ ఇవ్వ‌డం లేదు.

ఇదిలా వుంటే ఈ ప్రాజెక్ట్ కి సంబంధించిన ఆస‌క్తిక‌ర‌మైన అప్ డేట్ లు వినిపిస్తున్నాయి. ఎన్టీఆర్ ప‌వ‌ర్ ఫుల్ క్యారెక్ట‌ర్ లో న‌టిస్తున్న ఈ మూవీని కోవిడ్ నేప‌థ్యంలో తెర‌పైకి తీసుకురానున్నార‌ట‌. అంతే కాకుండా కోవిడ్ నేప‌థ్యంలో మెడిక‌ల్ మాఫియా జెడ‌లు విప్పిన తీరు సామాన్యుడిని ఆహాకారాలు.. ఆర్త‌నాదాలు చేసేలా చేసింది. ఇదే అంశాన్ని ఈ మూవీలో ప్ర‌ధానంగా చ‌ర్చించ‌బోతున్నార‌ట‌. ఇక ఈ మూవీలో ఎన్టీఆర్ స్టూడెంట్ లీడ‌ర్ గా ప‌వ‌ర్ ఫుల్ పాత్ర‌లో క‌నిపిస్తాడ‌ని ఇన్ సైడ్ టాక్‌.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.