'పుష్ప' రింగ రింగాకు కోటికి మించి..!

అల్లు అర్జున్‌ సుకుమార్‌ ల కాంబినేషన్ లో రూపొందుతున్న పుష్ప సినిమా షూటింగ్ శరవేగంగా జరుగుతోంది. రెండు పార్ట్‌ లు గా ప్రేక్షకుల ముందుకు రాబోతున్న పుష్ప మొదటి పార్ట్ ను ఈ ఏడాదిలోనే విడుదల చేయాలనే పట్టుదలతో ఉన్నారు. పరిస్థితులు అనుకూలిస్తే సుకుమార్‌ ఈ ఏడాదిలోనే సినిమాను ప్రేక్షకుల ముందుకు తీసుకు వచ్చే అవకాశం ఉందని అంటున్నారు. పుష్ప సినిమా షూటింగ్‌ జరుగుతున్న ఈ సమయంలో ఐటెం సాంగ్ గురించి ఆసక్తికర చర్చ జరుగుతోంది. ఈ సినిమా ఐటెం సాంగ్ కోసం దిశా పటానీ నుండి మొదలుకుని ఎంతో మంది బాలీవుడ్ ముద్దుగుమ్మలను సంప్రదించారంటూ వార్తలు వచ్చాయి. ఇప్పుడు సన్నీలియోన్‌ వద్దకు వచ్చి జాబితా ఆగింది.

సుకుమార్‌ ఐటెం సాంగ్స్ అంటే చాలా స్పెషల్‌ గా ఉంటాయి. కనుక ఈ సినిమా ఐటెం సాంగ్ కూడా స్పెషల్‌ గా ఉండాలంటే సన్నీలియోన్‌ ను దించితేనే ప్రత్యేకంగా ఉంటుందనే నమ్మకంను అంతా వ్యక్తం చేస్తున్నారు. ఇప్పటికే ఆమె పలు సినిమాల్లో ఐటెం సాంగ్స్‌ చేసినా కూడా ఆమె క్రేజ్ ఏమాత్రం తగ్గలేదు. ప్రస్తుతం ఆమె ఐటెం సాంగ్‌ చేస్తే పాన్ ఇండియా రేంజ్ లో సినిమాకు బజ్‌ క్రియేట్‌ అయ్యే అవకాశం ఉంది. కనుక పుష్ప మేకర్స్‌ ఐటెం సాంగ్ కోసం సన్నీలియోన్‌ ను కలిశారట. ఐటెం సాంగ్ లో చేసేందుకు ఓకే చెప్పిన సన్నీలియోన్‌ పారితోషికం మాత్రం దాదాపుగా అరకోటి వరకు డిమాండ్‌ చేసిందట. అంత పారితోషికం ఐటెం సాంగ్‌ కు అంటే కాస్త ఎక్కువే అన్నట్లుగా మేకర్స్ ఆలోచిస్తున్నారట.

సన్నీలియోన్‌ విషయంలో ఏ నిర్ణయం తీసుకున్నారు అనే విషయంలో క్లారిటీ రావాల్సి ఉంది. ఒక వేళ సన్నీలియోన్‌ పుష్ప లో ఐటెం సాంగ్‌ ను చేస్తే ఆ ఐటెం సాంగ్‌ ఖరీదైన టాలీవుడ్‌ ఐటెం సాంగ్స్ జాబితాల చేరుతుందని అంటున్నారు. ఎందుకంటే సన్నీలియోన్‌ పారితోషికంతో పాటు సెట్‌ మరియు ఇతర డాన్సర్‌ ఖర్చు కలిపి కోటికి మించి ఖర్చు అవుతుందని అంటున్నారు. ఆ అంటే అమలాపురం.. రింగ రింగా వంటి సూపర్‌ హిట్‌ ఐటెం సాంగ్స్ ను ప్రేక్షకుల ముందుకు తీసుకు వచ్చిన సుకుమార్ ఈ సినిమా ఐటెం సాంగ్ ను అంతకు మించి అన్నట్లుగా ఉండేలా ప్లాన్‌ చేస్తున్నాడట.