వీడియో : అక్కినేని హీరో మూవీ ఇంట్రెస్టింగ్‌ గ్లిమ్స్‌

అక్కినేని ఫ్యామిలీ నుండి టాలీవుడ్‌ లో నాగార్జున తర్వాత అడుగు పెట్టిన సుమంత్‌ కమర్షియల్‌ గా సక్సెస్ అవ్వలేక పోయాడు. ఇండస్ట్రీలో అడుగు పెట్టి రెండు దశాబ్దాలకు పైగానే అయినా ఇప్పటి వరకు ఒక మంచి హిట్ ను దక్కించుకోవడం కాని.. ఒక మంచి బ్లాక్‌ బస్టర్ ను అందుకోవడం కాని జరగలేదు. నటుడిగా కొన్ని సినిమాలు మంచి పేరు తెచ్చి పెట్టాయి. కాని కొన్ని సినిమాలు మాత్రం ఆయన స్టార్ డమ్‌ ను దిగజార్చాయి.

ఎన్ని ప్లాప్ లు పడ్డా కూడా ఇండస్ట్రీలో మనుగడ కోసం ప్రయత్నాలు చేస్తూనే ఉన్నాడు. తాజాగా రెండు మూడు సినిమాలను ఈయన చేస్తున్నట్లుగా సమాచారం అందుతోంది. అందులో ఒకటి అహం రీబూట్‌. టైటిల్ చాలా విభిన్నంగా ఉంది. కొన్ని రోజుల క్రితం ఈ సినిమా నుండి సుమంత్‌ యొక్క ఫస్ట్‌ లుక్‌ ను విడుదల చేయడం జరిగింది. ఇప్పుడు సినిమా యొక్క నేపథ్యం మరియు కాన్సెప్ట్‌ ను తెలియజేస్తూ గ్లిమ్స్ ను విడుదల చేయడం జరిగింది.

సుమంత్‌ ఈ సినిమాలో రేడియో జాకీగా కనిపించబోతున్నాడని ఈ వీడియోను చూస్తే అర్థం అవుతుంది. ఆఫర్ట్‌ పార్టీ అనే టాక్ షో తో రేడియో లో ఆన్ ఎయిర్ ఉండగా ఒక అమ్మాయి నుండి కాల్‌ వచ్చి.. దయచేసి కట్ చేయవద్దు.

నేను డేంజర్ లో ఉన్నాను... నన్ను కిడ్నాప్‌ చేశారు.. కాపాడండి అంటూ కోరుతుంది. దాంతో వెంటనే హీరో ఏం చేస్తాడు.. అసలు ఆ అమ్మాయి ఎవరు అనే విషయాలను సినిమాలో చూడాల్సిందే.

ఎలక్ట్రానిక్‌ మీడియా ఎక్కువ అయిన ఈ సమయంలో రేడియోలు చాలా తక్కువ మంది మాత్రమే వింటున్నారు. అలాంటి రేడియో బ్యాక్ డ్రాప్‌ తో ఈ సినిమా రూపొందిన నేపథ్యంలో ఖచ్చితంగా చాలా ప్రత్యేకంగా ఉండే అవకాశాలు పుష్కలంగా ఉన్నాయి. హీరోగా సుమంత్‌ కు ఈ సినిమా కమర్షియల్ గా ఎలాంటి ఫలితాన్ని ఇస్తుందో అనే విషయాన్ని ఇప్పుడే చెప్పలేం కాని ఒక మంచి సినిమా గా అయితే నిలుస్తుందేమో అనిపిస్తుంది.

ఇంట్రెస్టింగ్‌ కాన్సెప్ట్‌ తో పాటు గ్లిమ్స్ తోనే ఆకట్టుకోవడంతో అహం రీబూట్ ఎలా ఉంటుందో అనే ఆసక్తి ప్రతి ఒక్కరిలో కూడా కనిపిస్తుంది. అన్ని వర్గాల వారిని ఆకట్టుకునే విధంగా ఈ సినిమా ఉంటుంది అంటూ మేకర్స్ చెబుతున్నారు. త్వరలోనే సినిమా ను విడుదల చేయబోతున్నట్లుగా సమాచారం అందుతోంది.